Matiu 13:11 - Sura Malelaha

¹¹ Nahanai Yesu, “Hangkoia, tewuniangi mani paturo kana i poparentana Pue Ala. Ide-ide Naweikau Pue Ala pekiri bona niisa lempona paturo iti. Agaiana ane tauna bosa, barahe Nawei pekiri molempo paturo iti.

Matiu 13:11 Mawu Ofanana

Matiu 13:10

Maimohe topeguruna Yesu Iria, hai mekunehe, rauli, “Guru, apa tunggaiaMu mopake ngkora pandiri ane mopaturoKo tauna bosa?”

Matiu 16:17

Nauli Yesu, “Simo anana Yunu, morasi mpuuko, lawi bara manusia au mampopaisaako iti, agaiana UmaNgkuri au ara i suruga.

Matiu 19:11

Nahanai Yesu, “Bara ope-ope tauna au peisa modoko lolita ide. Agaiana ara tauna au napakanoto Pue Ala bona barahe motambi.

Matiu 20:23

Nauli Yesu, “Tou, hangangaa nihalea kapari nodo au Kuhalea. Agaiana bara Iko au mopakanoto hema au mohuda ntanda i koanaNgku hai ntanda i kabeoNgku. Batena pea UmaNgku au mopakanoto kahemana.”

Markus 10:40

Agaiana bara Iko au mopakanoto hema au ina mohuda ntanda i koanaNgku hai ntanda i kabeoNgku. Batena pea UmaNgku au mopakanoto.”

Markus 4:11

Nauli Yesu, “Hangkoia, noumba poparentana Pue Ala i dunia tewuniangi mani. Ide-ide rapopaisaamokau, agaiana i tauna ntanina Kupahaweahe hai ngkora pandiri,

Lukasi 8:10

Nahanaihe Yesu, Nauli, “Hangkoia, tewuniangi mani paturo kana i poparentana Pue Ala. Ide-ide naweikau Pue Ala pekiri bona niisa lempona paturo iti. Agaiana tauna bosa, Kupaturohe hai ngkora pandiri bona lempona tewuniangi irihira. ‘Meitatohe, agaiana bara raisa lempona apa au raita. Mehaditohe, agaiana bara raisa tunggaiana apa au rahadi.’

Yohane 6:65

Nauli mbuli Yesu, “Ido hai Kuuli inona, bara ara hadua au peisa mai Iriko ane bara anti kanatulunginda UmaNgku.”

Yohane 7:17

Hema au mampeinao mobabehi peundeana Pue Ala ina raisa kahangko iumbana lolitaNgku ide, ba hangko i Pue Ala mpuu ba lolitaNgkuto pea haduduaNgku.

Suro 16:14

I olonda towawine iti, ara hadua au rahanga Lidia hangko i wanua Tiatira. Ia, topobalu-balu bana maroa au masuli holona, hai au menomba wori i Pue Ala. Pue Ala mopakanoto laluna, alana modoko apa au napaturoahe Paulu.

Roma 11:25

Halalungku hampepepoinalai! Kupeinao mouliangaakau apa tunggaiana Pue Ala au bara raisa tauna hangkoia. Kuuliangaakau ide bona ineekau mampemahile. Bona niisa: ide-ide hanggaa to Yahudi matua lalunda agaiana iti bara mahae, duuna handa kabosanda tauna au barahe to Yahudi au mepoinalai i Yesu hintoto hai tunggaiana Pue Ala.

Roma 16:25

Toiami Pue Ala! Lawi Iami au makuasa mopakaroho pepoinalaimi anti Ngkora Marasa au kupahaweakau bona niisa kahemana Yesu Kerisitu. Iatunami parena, tunggaiana Pue Ala iti bara raisa tauna.

1 Korintu 13:2

Ane rapana, molambina kapande mopahawe lolita hangko i Pue Ala hai molambina ope-ope kapande hangko i Pue Ala au bara raisa rangangku, hai ane maroho pepoinalaingku pane kubuku mopalimba bulu, agaiana bara maahi lalungku, bara mpuu ara bunduna katuwongku.

1 Korintu 15:51

Mewali bona niisa, kupahaweakau paturo au tewuniangi hangkoia: i kahawena hule Pue Yesu, arake au bara mani mate, agaiana ikita ope-ope ina rabaliki, maroa au tuwo, maroa au mate.

1 Korintu 2:14

Tauna au bara moisa Pue Ala, barahe mampoinalai paturo au hangko i Inaona Pue Ala, lawi rauli, “Paturo iti, lolita tontuli.” Bara rabuku tauna iti modoko paturo au hangko i Inaona Pue Ala, lawi paturo iti hangangaa napakanoto Inao Malelaha i lalunta.

1 Korintu 2:7

Au kipahaweakau, iami kapande au hangko i Pue Ala. Mopahawengkai tunggaiana Pue Ala moweike katuwo au meawa i alo au ina mai. TunggaiaNa iti, bara mani raisa tauna hangkoia. Agaiana hangko damani dunia ide rapopewali, Pue Ala mopakanoto amimi kaina Naweinta katuwo au meawa iti.

1 Korintu 4:1

Ane ikami, agina niuli peamongkai hawi, lawi hawinangkai Kerisitu, au Naharungangkai moanti bambari hangko i Pue Ala au bara mani raisa tauna i dunia.

1 Korintu 4:7

Ba niuli maroa lalumi hangko i rangami? Apa pae au ara irikamu au bara nidoko hangko i Pue Ala? Moapari hai mampemahilekau ane ope-ope au ara irikamu au nawei peakau Pue Ala?

Epesu 1:18

Kuperapi Pue Ala ina mopamanoto lalumi bona niisa apa au peisa taharunga hangko i kanakakionta Pue Ala mewali anaNa, hai ina Niisa wori noumba kamahilena sosora au Napasilolongaahe tauna au Napoana,

Epesu 1:9

Moula peundeaNa, Napopaisaamoke tunggaiaNa au tewuniangi mani. TunggaiaNa iti iami bona hinangkana, maroa au i suruga ba i dunia, ina Napahintuwuhe hai Kerisitu au mewali tadulako i hinangkana. Hai tunggaiaNa iti batena Napopewali melempo i Kerisitu ane hawemi tempona.

Epesu 5:32

Lolita ide, kaladu ntepuu lempona. Tunggaiaku ide iami kana i pohintuwuna Kerisitu hai taunaNa.

Epesu 6:19

Hai nipekakaea worina bona i tempoku mololita, Pue Ala moweina lolita au manoto bona datina langa mopahawe Ngkora Marasa au tewuniangi hangkoia.

Kolose 2:2

Tunggaiaku bona maroho lalumi hai mombepokaahikau, alana mohintuwukau hadua hai hadua. Peundeaku bona tongawa i lalumi tunggaiana Pue Ala au tewuniangi hangkoia hai bara bata-bata lalumi; tunggaiaNa iti bona moisakau Kerisitu.

1 Timotiu 3:16

Maroa ntepuu paturo au tapeulai anti pengkorunta i Pue Ala. Hangkoia paturo iti bara raisa tauna, agaiana ide-ide natudungiamoke Pue Ala. Lawi idemi au tapoinalai kana i Yesu Kerisitu: Iami au mewali manusia, au napakanoto Inao Malelaha, hai au raita malaeka. BambariNa rapahawe i tauna au bara manihe moisa Pue Ala, hai Ia rapoinalai tauna i humalele dunia, hai naore Pue Ala lao i suruga i lalu peawaNa.

1 Timotiu 3:9

Hangangaa modoko mpuuhe paturo kana i pepoinalai au napahaweake Pue Ala, hai mampeulaihe paturo iti hangko i kamalelahana lalunda.

Yakobu 1:5

Ane arakau au bara moisa rara mokadipura tuwomi, agina niperapi kanoto lalu hangko i Pue Ala, hai batena Naweikau. Lawi apa au Nakira, Nakiraiahe ope-ope tauna hangko i kabulana laluNa, barahe Nawei ngkahunda-hunda.

1 Yohane 2:20

Agaiana ikamu halalu, nidokomi Inao Malelaha au hangko i Kerisitu. Ido hai pane moisamokau ope-ope paturo au tou.

1 Yohane 2:27

Agaiana halalu, modokomokau Inao Malelaha hangko i Kerisitu, hai Inao iti ara liliu i lalumi. Barapokau paraluu rapaguru tauna ntanina, lawi Inao Malelaha iti au mopagurukau i hinangkana. Ope-ope paturoNa tou, bara dongko. Mewali, mohintuwu liliumokau hai Kerisitu moula apa au Napaturoakau.