Matiu 12:4 - Sura Malelaha

⁴ Ia mesua i lalu sou penombaa, hai moandehe roti au rapopenomba i Pue Ala. Moula ada agamanta, tadulako mpenomba pea au peisa maande roti iti. Agaiana nauri nodo, babehiana Daudi iti bara rasalai.

Matiu 12:4 Mawu Ofanana

Matiu 12:3

Mehana Yesu, “Bara pae nibasa apa au nababehi Datu Daudi hai ranganahe hangkoia i temponda marimi?

Matiu 12:5

Nipekiri wori apa au teuki i lalu Aturana Musa, tadulako mpenomba i lalu Souna Pue Ala, mobago ntepuuhe i Alo Pengkarooangaa, agaiana barahe rasalai.

Markus 2:26

I tempona Abyatar mewali Tadulako Mpenomba Mahile, mesuami Daudi i lalu sou penombaa, hai moande roti au rapopenomba i Pue Ala, pane nakira-kiraa worihe rangana. Moula ada agamanta, tadulako mpenomba pea au peisa moande roti iti. Agaiana nauri nodo, babehiana Daudi iti bara rasalai.”

Lukasi 6:4

Daudi mesua i lalu sou penombaa, moande roti au rapopenomba i Pue Ala, hai nakira-kiraa worihe rangana. Moula ada agamanta, Tadulako Mpenomba pea au peisa moande roti iti. Agaiana nauri nodo, babehiana Daudi iti bara rasalai.”

Ibarani 9:2

Sou iti nodo haogu Bambaru. I lalu Bambaru iti, ara hantau rindi bana au moparioloki roogu hologa. Hologa au kaisa rahanga Hologa Malelaha. I lalu hologa iti, ara biti hulo, meja roti popenomba, hai roti au rapopenomba i Pue Ala. Hai i taleu rindi bana iti ara hologa karooguna au rahanga Hologa Malelaha Ntepuu.