Matiu 12:39 - Sura Malelaha

³⁹ Nauli Yesu, “Kadake mpuukau! Mosapuaka liliukau Pue Ala! Niperapi bona Kupopaitaakau tanda kuasa. Agaiana bara ara tanda kuasa au ina rapopaitaakau. Au ina rapopaitaakau, batena pea tanda nodo au mewali i nabi Yunu hangkoia.

Matiu 12:39 Mawu Ofanana

Matiu 16:4

Kadake mpuukau! Mosapuaka liliukau Pue Ala! Niperapi bona Kupopaitaakau tanda kuasa. Agaiana bara ara tanda kuasa au ina rapopaitaakau. Au ina rapopaitaakau, batena pea tanda nodo au mewali i nabi Yunu hangkoia.” Roo indo, Napalehimohe.

Markus 8:12

Kanahadina Yesu lolitanda, meraroami i laluNa, Nauli, “Moapari tauna au tuwo tempo ide mamperapi tanda kuasa? Kuuliangaakau, barakau ina Kupopaitaa tanda kuasa nodo au niperapi.”

Markus 8:38

Maidakau i olonda tauna au kadake hai au bara meula Iriko. Mewali hema au maea mopangaku peulana Iriko hai mampokaea paturoNgku, ina Kupokaea wori mopangaku kaiana topeulaNgku ane hawe suleNa hangko i suruga. I tempo iti, Iko, Ana Manusia, ina mendaulu mai hangko i suruga hihimbela hai malaeka au malelaha, hai ina meawaNa anti kuasana UmaNgku.”

Yakobu 4:4

Halalu, bara hintoto ane mopalehike Amputa hai moulake babehia au kadake i dunia ide. Niisami halalu, ane mampeulaike babehia au kadake i dunia ide, batena mampopewalike watanta iwalina Pue Ala. Hambela mani kuuli: hema au mounde babehia au kadake, ia au mampoiwali Pue Ala!