Matiu 12:15 - Sura Malelaha

¹⁵ Naisa Yesu kaarana tunggaianda toParisi au kadake Iria. Ido hai padumi hangko inditi, hai bosa tauna meula Iria. Ia mopakaoha ope-ope tauna au mahai,

Matiu 12:15 Mawu Ofanana

Matiu 10:23

Ane rapopeahi-ahikau i boea au hambua, padukau lao i boea hambuana. Bona niisa, Kuuliangaakau, hangko damanikau roo mobambari Ngkora Marasa i humalele tamponda to Isaraeli, Iko, Ana Manusia, ina hawe.

Matiu 19:2

Bosa tauna meula Iria, hai au mahai Napakaohahe.

Markus 6:56

Iumba pea kalaoana Yesu, i boea mahile ba i boea au kokoi, moantihe ranganda au mahai rawoli i pobalu-balua, pane merapihe i Yesu bona Ia peisa ratobo, nauri wuntu baduNa pea. Hai ope-ope au motobo baduNa, liliu maoha mpuumohe.

Lukasi 5:22

Naisa Yesu apa au ara i lalunda. Ido hai Nauliangaahe, “Moapari hai nodori pekirimi?

Lukasi 6:12

Hambela tempo, Yesu laomi i tongku-tongkuna, hai mekakae hambengia i Pue Ala.

Lukasi 9:11

Agaiana kalaoanda raisa tauna bosa, ido hai mekulelehe. Kahawenda i Yesu, Nadokohe hai Napaturoahe kana i poparentana Pue Ala. Hai hema pea au mahai, Napakaoha.

Yohane 11:54

Ido hai Yesu barapi mampatongawa i olonda to Yahudi bona datipi raita tauna bosa. Padumi Yesu hangko inditi lao i boea au rahanga Epraim i wiwi pada wungi. Maidami inditi hihimbela hai topeguruNa.

Yohane 7:1

Roo indo, Yesu lao i humalele tampo Galilea. Barapi mau lao i tampo Yudea, lawi arahe tadulakonda to Yahudi inditi au mampeinao mopapate.

Yohane 9:4

Hangangaa tapopolumao bagona Pue Ala au motuduNa, liana mani mabaa. Tempo kaindi ina hawemi, hai ane kaindimi barapi ara tauna au peisa mobago.

Galatia 6:9

Mewali, ineeke oha-oha mobabehi apa au maroa, lawi ane mobabehi liliuke apa au maroa, batena ina tapupu wuana i tempo au tepakanotomi.

1 Peturu 2:21

Idomi pongkana pane nakakiokau Pue Ala bona maroa babehiami kehapirikau rapopeahi-ahi. Lawi Kerisitu mohalea kapari anti kaikamuna, hai Ia mewali pandiri irikamu bona nipeulai poantiNa.