Matiu 11:6 - Sura Malelaha

⁶ Morasihe tauna au bara bata-bata lalunda Iriko.”

Matiu 11:6 Mawu Ofanana

Matiu 13:21

Agaiana bara kaladu pouakana Ngkorana Pue Ala i lalunda, ido hai barahe mantaha. Ane rapopeahi-ahihe ba rapamaparihe anti pepoinalainda i Ngkorana Pue, mousulihe hai barapohe mepoinalai.

Matiu 18:7

Hurewumi dunia ide lawi ngkaia au mepakanawo. Tou pepakanawo iti ara, agaiana hurewumohe tauna au mopaara pepakanawo iti.

Matiu 24:10

Bosa tauna ina mosapuaka peulanda Iriko. Ara au ina mohuhu halalunda hampepepoinalai i iwalinda. Bosa tauna mombekahihi.

Matiu 26:31

Hangko inditi, Yesu mouliangaahe, “Deade kaindi, ikamu ope-ope ina mopalehiNa, lawi ara teuki i lalu Ngkorana Pue Ala node, ‘Toporewu iti ina rapapate, alana dimbana mahawuhe.’

Matiu 5:29

Mewali, maroa-roako bona ineeko madosa i apa au nuita ba apa au nubabehi. Ane pandirina mata koanamu au moantiko madosa, nudungkiki peami hai nutende. Aginami matanta matamu hambali hai barapoko mobabehi dosa, paneko ratende i lalu naraka. Ane pandirina taie koanamu moantiko madosa, nubohoki hai nutende. Aginami matanta taiemu hambali hai barapoko mobabehi dosa, paneko ratende i lalu naraka.”

Markus 6:3

Ia ide basi pea, anana Maria. HalaluNa iamohe: Yakobu, Yoses, Yuda hai Simo. HalaluNa towawine, ara worihe hihimbela hai ikita inde.” Ido hai barahe mepoinalai i Yesu.

Lukasi 2:34

Roo indo, Simeo mowatihe hai mouliangaa Maria, “Anti kahawenami Anamu ide, bosa to Isaraeli ina molambi pehuku, agaiana bosa wori tauna ina Nahorema bona molambihe katuwo maroa. Iami au Napilei hai au Natudu mai Pue Ala, agaiana Ia ina rasapuaka tauna bosa,

Lukasi 7:23

Morasihe tauna au bara bata-bata lalunda Iriko.”

Yohane 16:1

“Ope-ope ide Kuuliangaakau bona dati tekabaha pepoinalaimi Iriko.

Yohane 6:66

Mepongka i tempo iti, bosahe topeulana Yesu mousuli. Barapi raunde meula Iria.

1 Korintu 2:14

Tauna au bara moisa Pue Ala, barahe mampoinalai paturo au hangko i Inaona Pue Ala, lawi rauli, “Paturo iti, lolita tontuli.” Bara rabuku tauna iti modoko paturo au hangko i Inaona Pue Ala, lawi paturo iti hangangaa napakanoto Inao Malelaha i lalunta.

Galatia 5:11

Halalu, arahe tauna au mouli kaikona au mopaguru tauna mampeulai ada mpetile Aturana Musa. Bara tou lolitanda iti! Ane kenodo pepaturongku, kebara ara to Yahudi au moewana. Idemi au kupaturoakau: hangangaa mepoinalaike i Kerisitu, lawi anti kapatena Kerisitu au rapaku i kau mombehape, ido hai peisake mewali manoto i peitana Pue Ala. Anti pepaturongku ide, ido hai to Yahudi iti rumpuhe hai rapopeahi-ahina.

1 Peturu 2:8

Tehubehe Iria, lawi barahe mampoinalai Ngkorana Pue Ala. Iti mewali moula apa au napakanotoamohe Pue Ala.