Matiu 11:28 - Sura Malelaha

²⁸ Maimokau ope-ope au mawowe hai au mantimi haleami. Ina Kuweihaakau haleami.

Matiu 11:28 Mawu Ofanana

Matiu 11:29

Nihaleami haleaNgku, hai megurukau Iriko bona molambikau katinda lalu. Lawi maalusuNa hai mengkaiwoiNa.

Matiu 23:4

Ihira mopahaleangiahe tauna bosa parenta hai ada agama au mantimi, agaiana bara mpuuhe motulungi tauna bosa mampeulai parenta hai ada iti.

Yohane 6:37

Ope-ope tauna au naweimoNa UmaNgku, batenda mai Iriko. Hai hema pea au mai Iriko, batena Kudoko hai bara Kusapuaka.

Yohane 7:37

Alo kahopoa posusa iti iami alo au meliu karapomahilena. I alo iti, meangkami Yesu i lalu Souna Pue Ala, hai mololita masisimbuku, Nauli, “Hema au mangkadou, maimokau maenu Iriko!

Suro 15:10

Mewali, halalu-halalu, moapari hai nipeinao mopaara karumpuna Pue Ala? Moapa hai nipeinao mopakasusahe hai ngkaia parenta au mapari hai palia au mantimi ntepuu? Mepongka i toiorunta hangkoia hawe irikita ide-ide, bara tabuku mampeulai ope-ope parenta hai palia iti!

Suro 20:35

I paka-pakana, kupopaitaamokau noumbake hangangaa mobago bona motulungike ranganta au bara rabuku. Nikatuinao liliu lolitana Pue Yesu au manguli, ‘Morasimi tauna au mokira pane tauna au modoko.’ ”

Galatia 5:1

Kerisitu mokabahamoke hangko i Aturana Musa bona tou-tou mpuu tekabahake. Ido hai hangangaa tapatetida lalunta. Ineeke rapohawi hule.

2 Tesalonika 1:7

Hai Ia ina mokabahakau hangko i kaparimi, nodo wori ikami. Hinangkana iti ina Nababehi i kahawena hule Pue Yesu au ina mendaulu mai hangko i suruga hai malaekaNa au makuasa hai api au lolaa.

Ibarani 4:1

Mewali, dandina Pue Ala irikita iti bona peisake molambi pengkarooangaa hihimbela hai Ia, ara mani. Ido hai hangangaa mainga-inga mpuuke bona dati ara hadua hangko i olonta au bara molambi apa au Nadandi iti.

Pampetudungia 22:17

Inao Malelaha hai towawine au rataunaa Ana Dimba manguli, “MaimoKo!” Hai ope-ope tauna au mohadi lolita ide, hangangaa manguli worihe, “MaimoKo!” Hema au mangkadou, maimokau! Ane niunde, maimokau maenu owai au mopaara katuwo. Hai bara niholo!