Matiu 11:24 - Sura Malelaha

²⁴ Mewali bona niisa, i alo pebotusi i kahopoa dunia, rumihi mpuu pehukuna Pue Ala irikamu pane pehukuNa i to Sodomo au kadake babehianda hangkoia.”

Matiu 11:24 Mawu Ofanana

Matiu 10:15

Tou mpuu au Kuuliangaakau, i alo pebotusi i kahopoa dunia, meliu pehukuna Pue Ala i tauna iti pane pehukuNa i ampu boea Sodomo hai Gomora hangkoia.”

Matiu 11:22

Mewali bona niisa, i alo pebotusi i kahopoa dunia, ina rumihi mpuu pehukuna Pue Ala irikamu pane pehukuNa i to Tirus hai to Sidon.

Matiu 23:14

[Marugikau, guru agama hai toParisi! Lawi maroa i raoa peakau! Niuli motulungikau towawine tobemba au meahi-ahi tuwonda. Agaiana katouana nipakanawo peahe hai nirampaki sounda. Hai roo indo, mekakaekau mahae-hae motabungihi babehiami au kadake. Ido hai pane ina rahuku mantimikau!]

Markus 6:11

Ane ara ampu boea au barakau radoko ba au barahe madota mampehadingi lolitami, nipalehi boea iti, hai nitaronta awu au mentaka i palanta bitimi, iti tandana barapi ikamu au mohuru ane Nahukuhe Pue Ala.”

Lukasi 10:12

Kuuliangaakau, i alo pebotusi i kahopoa dunia, ina meliu pehukuna Pue Ala i tauna iti pane pehukuNa i ampu boea Sodomo hangkoia.”