Matiu 11:23 - Sura Malelaha

²³ Hai ikamu wori to Kapernaum! Ba nipehangu ina naangkakau Pue Ala hawe i suruga? Bara! Ina Natendekau i lalu naraka! Ane rapana tanda kuasa au Kubabehimi i boeami, Kubabehi wori i wanua Sodomo hangkoia, wanua iti kebara napakarugi Pue Ala, ara mani duuna ide-ide.

Matiu 11:23 Mawu Ofanana

Matiu 10:15

Tou mpuu au Kuuliangaakau, i alo pebotusi i kahopoa dunia, meliu pehukuna Pue Ala i tauna iti pane pehukuNa i ampu boea Sodomo hai Gomora hangkoia.”

Matiu 16:18

Mewali, ido hai rahangako Peturu, lempona ‘watu’. Hai i wongko watu ide, Kuaro souNgku lempona, Kugulu ope-ope tauna au mampoinalaiNa. Ope-ope kuasa tokadake bara peisa monangihe.

Matiu 17:24

Kahawena Yesu hai topeguruNa i wanua Kapernaum, hawemohe tauna au mampesingarai asele Souna Pue Ala i Peturu hai mekune, “Noumba gurumu ba mobaiari wori asele Souna Pue Ala, ba bara?”

Matiu 4:13

Roo indo, Napalehimi boea Nasare lao maida i boea Kapernaum. Kapernaum iti, boea au i wiwi rano Galilea, i tampo Sebulo hai Naptali.

Matiu 8:5

Pesuana Yesu i boea Kapernaum, hawemi hadua tadulakonda surodado to Roma mampohidupaa Yesu hai merapi tulungi,

Lukasi 10:15

Hai ikamu wori to Kapernaum! Ba nipehangu ina naangkakau Pue Ala hawe i suruga? Bara! Ina Natendekau i lalu naraka!”

Lukasi 14:11

Hema au mampeindora ina rapaiwoi, hai hema au mengkaiwoi ina rapaiwongko.”

Lukasi 16:23

Agaiana topebuku iti raanti i paidaa tomate, hai inditi ia mantodiha liliu. Roo indo, mengoami hai moita ngkarao Burahima. Lasaru mohuda i holana.

Lukasi 4:23

Ido hai nauliangaahe Yesu, “Manoto arakau au ina mouliangaaNa node: ‘Ee sando, nupakaoha hampai watamu haduduamu! Ane tou-tou mpuuKo nabi, Nupopaitaangkai kuasaMu i boeaMu haduduaMu. Tanda kuasa au kihadi Nubabehi i boea Kapernaum, Nubabehi wori inde.’ ”

Suro 2:27

Lawi Oio Pue, bara Nupogiangaa watangku maida i lalu dunia tomate. TaunaMu au malelaha bara Nupogiangaa moita kapate.

Yudasi 1:7

Nikatuinao wori wanua Sodomo hai Gomora hangkoia hai boea ntanina au hungku. Ampu boea iti mobabehihe nodo au rababehi malaeka au kupololita inona. Mebualosihe, mobabehihe sala hai ngkaia babehianda au merikai, alana boeanda rahuwe. Pehukuna Pue Ala i to Sodomo hai to Gomora iti mewali pandiri i ope-ope tauna, hai peisa rapandiri nodo api au bara ara kahopoana au mohuku ope-ope tauna au kadake babehianda.

Pampetudungia 1:18

Ikomi au tuwo. MateNa hangkoia, agaiana tuwo huleNa, hai ina tuwoNa i hae-haena. Iko au mokingki pegili baba ngkapate hai baba paidaa tomate.

Pampetudungia 11:8

Karoonda sabi au rodua iti rapapate, watanda rapogiangaa i tanga rara wanua au mahile. (Wanua au mahile iti, iami wanua karapakuana Ampunda au rapandiri nodo wanua Sodomo hai tampo Masiri hangkoia, lawi kadake mpuuhe ampu boea iti.)

Pampetudungia 6:8

Kuita hambaa dara au mabada-bada. Tauna au mesawi i dara iti rahanga “Kapate,” hai au meusu i bokona rahanga “Paidaa Tomate.” Ihira iti raweihe kuasa mopapate hangkira iba hangko i ope-ope tauna. Arahe au rapapate i lalu pombeala, arahe au mate laloara, arahe au mate narumpa haki, hai arahe au rapapate binata au maseke.