Matiu 11:11 - Sura Malelaha

¹¹ Nauli mbuli Yesu, “Bona niisa, hangko i ope-ope tauna au rapoanaka i dunia ide, bara ara hadua au meliu kamahilena tuwona hangko i Yohane Toperiu. Agaiana mepongka ide-ide, morasi mpuuhe tauna au mengkoru i Pue Ala. Mogalori hadua tauna au tepakoi tuwona i lalu poparentana Pue Ala, mahile tuwona pane Yohane.

Matiu 11:11 Mawu Ofanana

Matiu 11:10

Lawi Yohane iti au natunggai i lalu Sura Malelaha hangkoia. Nauli Pue Ala i AnaNa: ‘Idemi suroNgku, au ina Kutudu moioru hangko Irio, bona mopasilolonga raraMu.’ ”

Matiu 11:12

Hangko i pobagona peami Yohane Toperiu hawe i tempo ide, tauna au kadake mopari-parihe moewa taunana Pue Ala, rapeinaohe rakuasai.

Matiu 3:1

I tempo iti, maimi hadua tauna au rahanga Yohane Toperiu. Ia lao i pada wungi i tampo Yudea, hai mepongka mobambari Ngkorana Pue i tauna bosa,

Matiu 3:11

Nauli mbuli Yohane, “Kuriukau hai owai, tanda pampenosoimimi dosami. Agaiana ina hawe hadua tauna au meliu kuasaNa hangko iriko. Mogalori mowosui peana kandupaNa, barana hintoto. Ia au ina moriukau hai Inao Malelaha hai api.

Matiu 5:19

Idomi hai Kuuliangaakau, hema au moliungi hampaka pea parenta i lalu Aturana Pue Ala, nauri parenta au koi ntepuu, hai mopaturo tauna ntanina bona mobabehi nodo, tauna itimi au koi ntepuu katuwona hangko i ope-ope taunana Pue Ala. Agaiana hema au mampeulai ope-ope parenta i lalu Aturana Pue Ala hai mopaturo tauna ntanina mobabehi nodo, tauna itimi au mahile ntepuu katuwona hangko i ope-ope taunana Pue Ala.

Lukasi 1:15

Ia ina mewali tauna au mahile tuwona i peitana Pue Ala. Ia bara ina maenu apa au melangui. Hai mepongka i karapoanakana, ina nakuasai Inao Malelaha.

Lukasi 7:28

Hai nauli mbuli Yesu, “Pehadingi maroa: hangko i ope-ope tauna au rapoanaka i lalu dunia ide, bara ara hadua au meliu kamahilena tuwona hangko i Yohane. Agaiana i poparentana Pue Ala mogalori tauna au tepakoi tuwona, mahile tuwona pane Yohane. Mewali mepongka ide-ide, morasihe tauna au mengkoru i Pue Ala.”

Lukasi 9:48

hai Nauliangaahe, “Hema au modoko hai au motulungi anangkoi ide anti peulana Iriko, lempona Ikomi au nadoko. Hai hema au modokoNa, bara Iko pea au nadoko, agaiana modoko wori Pue Ala au motuduNa. Hema au mengkaiwoi, iami au mahile tuwona.”

Yohane 1:15

Hangkoia, Yohane mampopaisa i tauna bosa kahemana Ngkora iti. Ia mololitami masisimbuku, nauli, “Ia idemi tauna au hangkoia kuuli: ara au ina mai i bokongku, agaiana meliu kuasaNa hangko iriko. Lawi hangko damanina rapoanaka, Ia ara amimi.”

Yohane 1:27

Iami au hawe roo iko. Mogalorina mokakahi pekapu kandupaNa, barana hintoto.”

Yohane 10:41

Bosahe tauna lao mampohidupaa Yesu. Rauli tauna iti, “Yohane bara mobabehi tanda kuasa. Agaiana ope-ope au napahawe kana i Yesu mewali hahami.”

Yohane 3:30

Lawi Ia au hangangaa kahile-hilea tuwoNa, hai iko au hangangaa kakoi-koia tuwongku.”

Yohane 5:35

Yohane iti nodo hulo au mewangka sangka pea hai moanti baa irikamu au nipokatana mpuu, agaiana kamatanami iti sangka pea.

Yohane 7:39

(Au natunggai lolitana Yesu iami Inao Malelaha, au ina mendaulu i tauna au mepoinalai Iria. I tempona Yesu mololita nodo, Inao Malelaha bara mani mendaulu i topeulaNa, lawi Yesu bara mani rapopeawa.)

1 Korintu 15:9

Lawi ide iko, suro au tepakoi tuwongku hangko i ope-ope surona Pue Yesu. Katouana, barana hintoto rauli suro, lawi hangkoia mampopeahi-ahina tauna au mepoinalaihe i Pue Yesu.

1 Korintu 6:4

Ane ara posisisalami, moapari pane nipahawe iti i tauna au barahe tepesua i lalu jumaa?

Epesu 2:3

Hangkoia, ikita ope-ope nodo wori babehianta. Moula peake peundeana lalunta hai pekirinta au kadake. Nodo ihira, i tempo iti ikita hintoto worike nakarumpui Pue Ala anti babehianta au kadake.

Epesu 3:8

Hangko i ope-ope tauna au mepoinalai i Pue Yesu, ikomi au tepaiwoi tuwongku. Nauri nodo, anti kabulana laluna Pue Ala, Napileimona bona mobambarina Ngkora Marasa i tauna au barahe to Yahudi kana i kamahilena pewati au bara tehoka au tahumba hangko i Kerisitu.

2 Timotiu 1:10

Hai ide-ide, Napatongawaa mpuumoke kabulana laluNa, lawi hawemi Kerisitu Yesu Topehoremanta. Yesu monangi kapate. Lempona: kehapirike mate, ane mepoinalaike i Ngkora Marasa, ina Napatuwo huleke Yesu hai Naweike katuwo au bara mokahopoa.

Ibarani 11:40

Bara mani rahumba, lawi Pue Ala mopasilolongaake au meliu kamaroana bona i tempona ikita ara hihimbela hai ihira, ina Nawei worihe katuwo maroa au bara ara kamakurana.

1 Peturu 1:10

Katehorema au nilambi, itimi au rapepekiri nabi-nabi hangkoia hai rahaoki lempona. Rapahawe noumba Pue Ala ina mopatongawa kamaahiNa irikamu.