Matiu 10:2 - Sura Malelaha

^2-4 Hanganda surona Pue Yesu au hampulo hai rodua iti, idemohe: Au nguru-nguruna Simo, au rahanga wori Peturu; roo indo, Andaria adina Simo, Yakobu anana Sebedeus, Yohane adina Yakobu, Pilipu, Bartolomeus, Tomas, Matiu toperuru asele, Yakobu anana Alfeus, Tadeus, Simo to Selot, hai Iskariot au mampobalu Yesu.

Matiu 10:2 Mawu Ofanana

Matiu 17:1

Ini alona hangko inditi, Yesu moanti talu topeguruNa mempanai lao i wongko bulu au mapangka. TopeguruNa au talu iti iami: Peturu, Yakobu hai Yohane adina Yakobu. Ihira pea au ara inditi.

Matiu 20:20

I tempo iti, towawinena Sebedeus hai anana rodua maihe i Yesu. Inanda iti molingkudu motumpa i lindoNa lawi ara au ina naperapi.

Matiu 26:37

Agaiana Ia mowawaha Peturu hai anana Sebedeus au rodua bona meulahe Iria. I tempo iti, mapari Nahadi hai moradami laluNa.

Matiu 4:18

Tangana Yesu molumao i wiwi rano Galilea, Ia moita rodua tauna, iamohe Simo (au rahanga wori Peturu) hai Andaria, adina, au tanganda modala i rano, lawi itimi bagonda.

Matiu 4:21

Roo indo, Yesu mopaliliu polumaoNa. TangaNa lumao, moita mbuli rodua topohalalu, iamohe, Yakobu hai Yohane, anana Sebedeus. Ihira hai umanda tanganda mopakaroa dala i lalu duanga. Yesu mokakiohe tontaliadi iti bona meulahe Iria.

Markus 1:29

I pesulenda hangko i sou penombaa iti, laomi Yesu i sounda Simo hai Andaria. Yakobu hai Yohane meula worihe.

Markus 13:3

Roo indo, laomi Yesu i Bulu Saitun hai mohuda molindo Souna Pue Ala. Tangana Yesu mohuda-huda, maimohe Peturu, Yakobu, Yohane hai Andaria mololita Iria i tempona bara ara tauna ntanina,

Markus 6:30

I pesulenda suro au natudu Yesu lao mobambari Ngkorana Pue Ala, rapahawemi i Yesu ope-ope au rababehi hai au rapaturoa tauna bosa.

Lukasi 11:49

Pue Ala moisa kakadakena babehiami. Babehiami iti himbela hai babehianda toiorumi au kadake. Ido hai hangkoia mongkorami Pue Ala node: ‘Ina Kutuduhe nabi-nabi hai suro-suroNgku lao irihira. Hantangahe ina rapapate, hantangahe ina rapopeahi-ahi.’

Lukasi 22:14

Hawemi temponda moande paande Pasa, mohudami Yesu hai topeguruNa au hampulo hai rodua i sou iti.

Lukasi 22:8

Ido hai Yesu motuduhe Peturu hai Yohane, Nauliangaahe, “Laomokau mopasilolongaake paande Pasa.”

Lukasi 5:10

Ara worihe rodua rangana Simo Peturu au mampotingkara. Hanganda iami Yakobu hai Yohane, ananahe Sebedeus au mobago sambelahe hai Simo Peturu. Nauli Yesu i Simo, “Ineeko langa. Mepongka ide-ide, barapoko modala ikane, agaiana manusiami au nudala.”

Lukasi 9:10

I pesulenda topeguruna Yesu au hampulo hai rodua, mopahawehe i Yesu ope-ope au rababehimi i boea-boeana. Roo indo, Yesu moanti topeguruNa lao i paidaa au boa hungku i boea Betsaida. Tunggaiana Yesu bona mopalehihe tauna bosa.

Yohane 12:22

Laomi Pilipu mopahawe lolitanda i Andaria, hai roo indo, ihira rodua lao mopahawea Yesu.

Yohane 13:23

Ara hadua topeguruNa au Napokakaia, mohuda i holaNa.

Yohane 20:2

Ido hai melangkami lao i Simo Peturu hai i hadua topeguruna Yesu au napokakaia, nauliangaahe, “Watana Pue raalami hangko i talumbaNa, hai bara kiisa kaiumbana rawoli!”

Yohane 21:2

Hambela tempo bahangkiahe topeguruna Yesu mogulu i wiwi rano, iami Simo Peturu, Tomas au rauli Toporopa, Natanael hangko i boea Kana i tampo Galilea, rodua anana Sebedeus, hai rodua topeguruna Yesu au ntanina.

Yohane 21:20

Hangko inditi, membalilimi Peturu, moita hadua topeguruna Yesu au napokakaia meula i taleunda. (TopeguruNa iti iami au mohuda i holana Yesu tanganda maande kaindi hai mekune Iria, “Pue, hemari au ina mampobaluKo?”)

Yohane 21:24

TopeguruNa Yesu itimi au mopahawe hinangka au raita mata, hai au mouki ope-ope iti i lalu sura ide. Hai kiisa posabina iti tou.

Yohane 6:67

Mewali, mekunemi Yesu i topeguruNa au hampulo hai rodua, Nauli, “Ba ina nipalehi woriNa?”

Yohane 6:70

Nauli Yesu, “Bara pae Ikoto au mopileikau au hampulo hai rodua ide? Agaiana hadua i olomi iami tokadake.”

Yohane 6:71

Au natunggai Yesu iami Yudasi anana Simo Iskariot. Lawi nauri Yudasi mewali hadua hangko i hampulo hai rodua topeguruNa, agaiana iami au ina mampobalu Yesu.

Yohane 6:8

Roo nodo, hadua topeguruna Yesu au rahanga Andaria, adina Simo Peturu, mololita, nauli,

Suro 1:13

Kahawenda i Yerusale, liliuhe lao i sou paidaanda, mengkahehe i lincu au i wongko. Suronahe Pue Yesu iti iami: Peturu, Yohane, Yakobu hai Andaria; Pilipu hai Tomas; Bartolomeus hai Matiu; Yakobu anana Alfeus, Simo to Selot hai Yudasi anana Yakobu.

Suro 1:26

Roomohe mekakae, motendemohe dadu hai au kana dadu, iami Matias. Ia raangka mewali surona Pue Yesu bona handahe hampulo hai rodua nodo au nguru-nguruna.

Suro 12:2

Pandirina ia motudu tauna mopapate Yakobu wutuna Yohane hai piho.

Suro 3:1

Tinti talumi kalumba, Peturu hai Yohane laohe i Souna Pue Ala i tempona pekakaeanda to Yahudi.

1 Korintu 15:7

Roo indo, mopatongawa mbulimi watana i Yakobu adiNa, hai i ope-ope suroNa.

Epesu 4:11

Iami au mokira-kira pewati i ope-ope tauna au mepoinalai Iria: arahe au Napopewali suroNa, arahe au Napopewali nabi mopahawe lolitaNa, hai ara worihe au Napopewali topobambari Ngkora Marasa, guru jumaa, hai guru agama.

Ibarani 3:1

Halalu-halalu au mewali taunana Pue Ala au Nakakio mesua i suruga, nipailalu kahemana Yesu. Ia tuduana Pue Ala hai Tadulako Mpenomba Mahile au tapoinalai.

1 Peturu 1:1

Sura ide hangko iriko, Peturu, surona Yesu Kerisitu. Sura ide kupakatu irikamu halalungku au napileimokau Pue Ala, au mahawukau i propinsi Pontus, Galatia, Kapadokia, Asia hai Bitinia, hai au maidakau nodo topolilo i olonda tauna au barahe moisa Pue Ala.

2 Peturu 1:1

Sura ide hangko iriko, Simo Peturu hawina hai surona Yesu Kerisitu, kupakatuakau halalu au mepoinalai i Yesu Kerisitu. Yesu Kerisitu iami Pue Ala au mohoremake hangko i huku dosanta. Anti kamanotona Pue Ala, Napopewalimokau taunaNa au mepoinalai Iria, himbela hai ikami suroNa.

2 Yohane 1:1

Sura ide hangko iriko Tosaenda to Sarani, kupakatu irio Ina, au napileiko Pue Ala, hai i ope-opehe anamu au tou-tou mpuuhe kupokaahi. Bara pea iko au mampokaahikau, agaiana ope-ope worihe tauna au moisa paturo au tou mampokaahikau.

3 Yohane 1:1

Sura ide hangko iriko, Tosaenda to Sarani, kupakatu irio Gayu, rangangku au tou-tou mpuuko kupokaahi.

Pampetudungia 1:1

Ihi sura ide iami kana i apa au napatongawa Yesu Kerisitu. Pue Ala motudu Yesu Kerisitu mopatongawa irikita hawiNa apa au barapi mahae ina mewali. Yesu motudu malaekaNa lao mopatongawa ope-ope iti iriko Yohane, hawiNa.

Pampetudungia 1:9

Iko, Yohane, halalumi i lalu hangana Yesu. Himbela karapopeahi-ahinta anti peulanta i Yesu, hai himbela kamolambita kira i lalu poparentana Pue Ala, hai himbela wori kamantahata mohalea pepopeahi-ahi iti. Ratendena i lewuto au rahanga Patmos lawi mopahawena Ngkorana Pue Ala hai mosabina kana i Yesu au kupenombai.

Pampetudungia 18:20

Hangangaa matanakau, ikamu au maida i suruga. Nipokatanami kamagerona wanua Babeli! Hangangaa matanakau, ikamu taunana Pue Ala, ikamu ope-ope suroNa hai nabiNa! Lawi Pue Ala mohukumohe to Babeli, mohurungi babehianda au kadake irikamu.

Pampetudungia 22:8

Iko, Yohane, ikomi au mohadi hai moita mata ope-ope au napetudungia malaeka iti. Kakuhadina hai kakuitana iti, molingkudumona motumpa i lindona, menomba iria.