Matiu 1:16 - Sura Malelaha

¹⁶ Yako mopaara Yusupu tobalilona Maria. Maria itimi au mampoanaka Yesu au rahanga Kerisitu.

Matiu 1:16 Mawu Ofanana

Matiu 1:15

Eliud mopaara Eleasar; Eleasar mopaara Matan; Matan mopaara Yako;

Matiu 16:16

Nahanai Simo Peturu, nauli, “Oiomi Datu Topehompo, Anana Pue Ala au tuwo.”

Matiu 16:20

Roo indo, Nauliangaahe, “Inee hampai niuli i hema pea kaIkona Datu Topehompo.”

Matiu 2:13

I pesulenda to Mata alo, mampatongawa mbulimi malaekana Pue i Yusupu i lalu pangipina. Nauli malaeka iti, “Yusupu! Herode mohaoki Anangkoi iti lawi napeinao napapate. Mearomoko, antimide Anangkoi iti hai inana lao i tampo Masiri! Maidamokau hampai inditi duuna mololita mbulina irikamu.”

Matiu 27:17

Mewali, i pohudana Pilatu mobotusi kara-karana Yesu, bosa tauna teruhu. Napekunehe Pilatu, “Hema au niunde kukabahaakau pare ide? Yesu Baraba, ba Yesu au rahanga Kerisitu?”

Matiu 27:22

Napekune mbuli Pilatu, “Ane nodo, kupanoumbami Yesu au rahanga Kerisitu?” Rahanai, “Papate i kau mombehape!”

Markus 6:3

Ia ide basi pea, anana Maria. HalaluNa iamohe: Yakobu, Yoses, Yuda hai Simo. HalaluNa towawine, ara worihe hihimbela hai ikita inde.” Ido hai barahe mepoinalai i Yesu.

Lukasi 1:27

bona mampohidupaa hadua anantowawine au rahanga Maria. Anantowawine iti, momanu hai hadua anantomoane au rahanga Yusupu, pemuleana Datu Daudi.

Lukasi 2:48

Tingkarahe inaNa hai umaNa moita Ia. Nauli inaNa, “Anangku, moapari hai Nubabehi node? Iko hai umaMu, mapari kihadi mohaokiKo!”

Lukasi 2:7

Moanami hadua tobalilo, anana au nguru-nguruna. Anana iti nalempingi hai nadampa i lalu dula dimba, lawi inditi barapi ara sou au peisa rapaidai.

Lukasi 3:23

Handami talu pulona parena tinuwuNa, Yesu mampepongkami pobagoNa au nawei Pue Ala. Moula pelambianda tauna, Yesu iami anana Yusupu, Yusupu anana Eli, Eli anana Matat, Matat anana Lewi, Lewi anana Malki, Malki anana Yanai, Yanai anana Yusupu, Yusupu anana Matica, Matica anana Amos, Amos anana Nahum, Nahum anana Hesli, Hesli anana Nagai, Nagai anana Maat, Maat anana Matica, Matica anana Simei, Simei anana Yosek, Yosek anana Yoda, Yoda anana Yohanan, Yohanan anana Resa, Resa anana Serubabel, Serubabel anana Sealtiel, Sealtiel anana Neri, Neri anana Malki, Malki anana Adi, Adi anana Kosam, Kosam anana Elmadam, Elmadam anana Er, Er anana Yesua, Yesua anana Elieser, Elieser anana Yorim, Yorim anana Matat, Matat anana Lewi, Lewi anana Simeo, Simeo anana Yehuda, Yehuda anana Yusupu, Yusupu anana Yonam, Yonam anana Elyakim, Elyakim anana Melea, Melea anana Mina, Mina anana Matata, Matata anana Natan, Natan anana Daudi, Daudi anana Isai, Isai anana Obed, Obed anana Boas, Boas anana Salmon, Salmon anana Nahason, Nahason anana Aminadab, Aminadab anana Admin, Admin anana Arni, Arni anana Hesron, Hesron anana Peres, Peres anana Yehuda, Yehuda anana Yako, Yako anana Isaki, Isaki anana Burahima, Burahima anana Tera, Tera anana Nahor, Nahor anana Serug, Serug anana Rehu, Rehu anana Peleg, Peleg anana Eber, Eber anana Salmon, Salmon anana Kenan, Kenan anana Arpaksad, Arpaksad anana Sem, Sem anana Noho, Noho anana Lamek, Lamek anana Metusala, Metusala anana Heno, Heno anana Yared, Yared anana Mahalaleel, Mahalaleel anana Kenan, Kenan anana Enos, Enos anana Set, Set anana Adama, Adama anana Pue Ala.

Lukasi 4:22

Tingkaramohe ope-ope tauna au mampehadingi lolitaNa, rauli, “Maroa mpuu pololitaNa! Manoto ntepuu au Nahowara, nauri ananato pea Yusupu!”

Yohane 4:25

Nauli towawine iti, “Au kuisa, ina hawe Datu Topehompo, au rauli wori Kerisitu. Ane hawe, Iami au ina mampopaisa irikami hinangkana au ara.”