Matiu 1:1 - Sura Malelaha

¹ Yesu Kerisitu iami pemuleana Datu Daudi, pemuleana Burahima. Mepongka hangko i Burahima hawe i Daudi, hanganda au mampemuleaka Yesu, idemohe:

Matiu 1:1 Mawu Ofanana

Matiu 1:18

Idemi tuntukana karapoanakana Yesu Kerisitu. Maria, inana, momanu hai Yusupu, agaiana hangko damanihe mohamboko, mantimimi. Kamantimina iti, hangko i kuasana Inao Malelaha.

Matiu 1:2

Burahima mopaara Isaki; Isaki mopaara Yako; Yako mopaara Yehuda hai halaluna;

Matiu 15:22

Inditi, ara hadua towawine to Kanaa, au bara to Yahudi. Towawine iti mai i Yesu, hai meraroa, nauli, “Pue, pemuleana Datu Daudi! Pokaahi wongkoia! Anangku towawine napesuangi tokadake, rumihi kamahaina.”

Matiu 3:16

Karoona Yesu rariu, mesoremi hangko i lalu owai. Unga pea tebungkahi langi, hai Ia moita Inaona Pue Ala nodo tadasi manggebodo mendaulu Iria.

Matiu 9:27

Tangana Yesu mopaliliu polumaoNa, ara rodua tobilo au meula-ula i bokoNa hai mekakakiohe, rauli, “Pemuleana Datu Daudi, Nupokaahi wongkamia!”

Lukasi 1:33

Anamu iti ina moparenta to Yahudi hawe i hae-haena, hai poparentaNa bara ina mokahopoa.”

Yohane 7:42

Bara pae i lalu Sura Malelaha teuki node: Datu Topehompo iami pemuleana Datu Daudi au hangko i boea Beteleme, boea pesupaana Daudi?”

Suro 2:30

Daudi iti, hadua nabi au moisa ami apa au ina nababehi Pue Ala. Naisa kaarana podandina hai posumpana Pue Ala iria au manguli: hadua hangko i pemuleamu ina Kuangka Kupopohuda mewali datu. Mewali, ido hai Daudi mampopaisa ami katuwona hule Datu Topehompo, nauli: ‘Ia bara rapogiangaa i paidaa tomate, hai wataNa bara rapogiangaa i lalu talumba duuna magoro.’

Roma 1:3

Ngkora Marasa iti mampololita kana i Anana Pue Ala, au rapoanaka himbela hai manusia hangko i pemuleana Datu Daudi.

Roma 4:13

Hangkoia Pue Ala modandi i Burahima hai i pemuleana kaina mokuasainda dunia. Tunggaiana Pue Ala bona Burahima hai pemuleana mewali manoto anti pepoinalainda alana molambihe apa au Nadandi iti. Barahe molambi apa au nadandi Pue Ala anti pampeulainda Aturana Musa.

Roma 9:5

Ihira iamohe pemuleanda toiorunda au napileimohe Pue Ala hangkoia. Hai Kerisitu au rapoanaka nodo manusia mesupa wori hangko i pemuleanda. KuasaNa melumbu hangko i hinangkana; Iami Pue Ala au hintoto tatoia hawe i hae-haena. Amin!

Galatia 3:16

Nodo wori hai podandina Pue Ala. Pue Ala mopaara dandiNa i Burahima hai i pemuleana. (Paresa maroa lolita iti inona. Bara teuki “i pemuleanahe” Burahima au bosa. Au teuki: “i pemuleana”, lawi au natunggai lolita ide, iami pemuleana Burahima au hadua pea, iami Kerisitu.)

1 Timotiu 2:5

Hadua pea Pue Ala, hai hadua pea wori au peisa mopahintuwu Pue Ala hai manusia. Topepahintuwu iti, manusia wori, iami Kerisitu Yesu.

2 Timotiu 2:8

Hangangaa nukatuinao: Yesu Kerisitu, Datu Topehompo, pemuleana Datu Daudi, au tuwo hule hangko i kapate. Itimi ihi Ngkora Marasa au kibambari.

Pampetudungia 22:16

Iko, Yesu, motudumoNa malaekaNgku mopahawe paturoNgku ide irikamu ope-ope jumaa. Iko pemuleanana Datu Daudi. Ikomi Betue ntanda i Mata alo au mewangka ntepuu.”