Markus 8:6 - Sura Malelaha

⁶ Hangko inditi, Yesu motudu tauna bosa mohuda i tampo. Naalami roti iti hai mekakae i Pue Ala. Roo indo, Nabise-bisemi hai Naweihe topeguruNa bona rakira-kiraahe tauna bosa.

Markus 8:6 Mawu Ofanana

Matiu 26:26

Tanganda maande, naalami Yesu roti hai mekakae i Pue Ala. Roo indo, roti iti Nabise-bisemi hai Nakira-kiraahe topeguruNa, Nauli, “Nialami, hai niande. Idemi kamba wataNgku.”

Markus 8:20

Napekune mbuli Yesu, “Hai i tempoKu mopaande iba sabuna tauna hai pitu oguna roti, hangkia wori bingkana pentarana au nigulu?” Rauli, “Pitu bingkana.”

Markus 8:5

Napekunehe, Nauli, “Hangkia oguna roti au ara irikamu?” Rahanai, rauli, “Pitu oguna.”

Markus 8:7

Ara wori bahangkia baana ikane koi-koi. Napekakaea wori hai motudu topeguruNa mokira-kira i tauna bosa.

Lukasi 12:37

Morasihe hawi au mainga-inga hai mampegia ampunda, duuna hawe. Lawi ampunda iti ina mowewe pekona, napopohudahe, hai narorahe.

Lukasi 24:30

Mohudamohe hihimbela ina maande, Yesu moala roti. Napekakaea, Nabise-bise hai Nahuhuahe.

Yohane 2:5

Hangko inditi, mololita inana Yesu i topobago i posusa iti, nauli, “Apa pea au natuduakau Yesu, nibabehi!”

Yohane 6:23

Roo indo, hawemohe tauna moduanga hangko i wanua Tiberias, hai mesorehe hungku i paandea tauna bosa moande roti au nawati Pue Yesu.

Roma 14:6

Tauna au mopaioru alo au tepakanoto, iti rababehi bona mobila Pue. Tauna au moande mampopengaa paande, iti raande bona mobilahe Pue, lawi mangulihe ngkaia kamaroana i Pue Ala. Nodo wori tauna au moande peahe paande au tepakanoto. Tauna iti moulahe palianda bona mobilahe Pue, hai manguli worihe ngkaia kamaroana i Pue Ala.

Kolose 3:17

Apa pea au nibabehi ba au nipololita, hangangaa nibabehi hai nipololita hintoto hai poanti tauna au meula i Pue Yesu. Hai niuli ngkaia kamaroana i Pue Ala Umanta i lalu hangana Pue Yesu.