Markus 2:5 - Sura Malelaha

⁵ Kanaitana Yesu kamahilena pepoinalainda, mololitami i topalu iti, Nauli, “AnaNgku, teampungimi dosamu.”

Markus 2:5 Mawu Ofanana

Matiu 9:2

Kahawenda, arahe tauna au mokowa hadua topalu au rapopaturu i ale, maihe i Yesu. Kanaitana Yesu kamahilena pepoinalainda, mololitami i topalu iti, Nauli, “AnaNgku, nupakaroho lalumu! Teampungimi dosamu.”

Matiu 9:22

Membalilimi Yesu i towawine iti hai Nauliangaa, “AnaNgku, nupakaroho lalumu! Maohamoko, lawi mepoinalaiko Iriko.” Tempo iti pea womi, maohami towawine iti.

Matiu 9:5

Umba au mamura rauli: ‘Teampungimi dosamu,’ ba ‘Pearo hai molumaomoko.’

Markus 2:6

Ara worihe bahangkia guru agama to Yahudi au mohuda i lalu sou iti. Mohadihe lolitana Yesu, mekunemohe i lalunda, rauli,

Markus 5:34

Yesu mouliangaa towawine iti, “AnaNgku! Maohamoko lawi mepoinalaiko Iriko. Mesulemoko maroa-roa. Maohamoko, barapi ara hakimu.”

Lukasi 5:20

Kanaitana Yesu pepoinalainda, mololitami i topalu iti, Nauli, “Halalu, teampungimi dosamu.”

Lukasi 8:48

Nauliangaa Yesu, “AnaNgku, maohamoko lawi mepoinalaiko Iriko. Mesulemoko, hai roa ngkatuwo mamporangaiko.”

Yohane 2:25

Bara paraluu rauliangaa tauna kanoumbana manusia, lawi Ia moisa laluna manusia.

Yohane 5:14

Bara mahae hangko inditi, Yesu mampohidupaa tauna iti i Souna Pue Ala, hai Nauliangaa, “Ide-ide maohamoko; ineemoko mobabehi dosa bona datiko narumpa ba apa-apa au meliu kakadakena.”

Suro 11:23

Baranaba iti, tauna au maroa laluna. Ia nakuasai Inao Malelaha hai maroho pepoinalaina. Kahawena Baranaba i Antiokia, matana mpuu laluna, lawi naita kamahilena pewatina Pue Ala irihira au mepoinalai i Yesu. Mewali, Baranaba mopakaroho lalunda, hai nauliangaahe bona mampeulai liliuhe Pue Yesu hangko i lalunda. Ido hai bosa wori to Antiokia mepoinalai i Pue Yesu.

Suro 14:9

Topalu iti mohuda mampehadingi Paulu mololita. Paulu mototoki topalu iti, naisami kamepoinalaina, ido hai ia peisa rapakaoha.

Suro 5:31

hai Napopohuda ntanda i koanaNa. Naweimi kuasa mewali Tadulako hai Topehorema bona to Isaraeli menosohe hangko i dosanda hai molambihe peampungi.

1 Korintu 11:30

Idomi pongkana pane bosahe tauna i olomi au mahai hai malede, hai ara wori rangami au mate.

2 Korintu 2:10

agaiana ide-ide kuuliangaakau, ineemi woia nihuku liliu. Ane niampungimi, hangangaa kuampungi worimi. Ane arato mpuu salana iriko, kuampungimi. Kerisitu moisa lalungku! Lawi peundeaku bona mohintuwukau hadua hai hadua.

Epesu 2:8

Nahoremamoke Pue Ala hangko i huku dosanta moula kabulaNa laluNa, anti pepoinalainta i Yesu Kerisitu. Barake Nahorema anti babehianta au maroa, batena pea anti kabulana laluNa irikita. Ido hai bara ara hadua au peisa manguli: “Anti kamaroana babehiangku, ido hai nahoremana Pue Ala hangko i huku dosangku.”

Kolose 3:13

Hangangaa sabarakau i poantinda hangka rangami. Niampungi rangami au masala irikamu. Nodo Pue moampungi salanta, ikita wori hangangaa moampungike ranganta au masala irikita.

Yakobu 5:15

Ane pekakae iti tou-tou mpuu hangko i pepoinalai, tomahai iti batena maoha. Hakina ina napakaoha Pue Ala, hai dosana teampungi worimi.