Markus 2:1 - Sura Malelaha

¹ Bara mahae hangko indo, Yesu mesule lao i boea Kapernaum. Tebambari kaaranami Yesu i sou.

Markus 2:1 Mawu Ofanana

Matiu 4:13

Roo indo, Napalehimi boea Nasare lao maida i boea Kapernaum. Kapernaum iti, boea au i wiwi rano Galilea, i tampo Sebulo hai Naptali.

Matiu 9:1

Hangko inditi, mesawimi Yesu i duanga hihimbela hai topeguruNa, mowetahe mesule lao i paidaanda i boea Kapernaum.

Markus 1:45

Agaiana, iumba pea kalaoana tauna iti, napololita liliuri kanapakaohana Yesu, alana Yesu barapi peisa mesua i lalu boea iti tontolea dati ratoleliki tauna. Ido hai Yesu maida pearai i raoa boea i pada wungi. Agaiana nauri nodo, bosa liliuhe tauna au hangko i boea-boeana mampeinao mampohidupaa Yesu.

Markus 2:2

Ido hai bosa tauna mai mampohidupaa Yesu, alana sou iti bukehe tauna hawe-hawe i baba. Yesu mopahaweahe Ngkorana Pue Ala.

Markus 3:20

Roo indo, mesulemi Yesu i sou. Agaiana bosa wori tauna hawe motoleliki, alana Yesu hai topeguruNa barapohe tepaka maande.

Markus 7:17

Roo indo, Yesu mopalehi tauna bosa, hai mesua i lalu sou. Mekunehe topeguruNa Iria apa tunggaiana ngkora pandiri inona.

Markus 7:24

Roo indo, meangkami Yesu hangko i tampo Galilea lao i tampo au hungku i wanua Tirus. KahaweNa indo, Ia liliu mesua i lalu sou lawi bara Naunde raisa tauna kahaweNa. Agaiana kahaweNa bara peisa rawuniangi.

Markus 9:28

Roo indo, Yesu hai topeguruNa paduhe hangko inditi mesua i lalu sou. Pesuanda, mekunemohe topeguruNa iria, rauli, “Guru, moapari hai bara kibuku mampopeloho tokadake iti inona?”

Lukasi 4:23

Ido hai nauliangaahe Yesu, “Manoto arakau au ina mouliangaaNa node: ‘Ee sando, nupakaoha hampai watamu haduduamu! Ane tou-tou mpuuKo nabi, Nupopaitaangkai kuasaMu i boeaMu haduduaMu. Tanda kuasa au kihadi Nubabehi i boea Kapernaum, Nubabehi wori inde.’ ”

Lukasi 5:18

I tempo iti, hawemohe bahangkia tauna au mokowa hadua topalu. Mohaokihe rara mesua i lalu sou, lawi mampeinaohe moanti ranganda i Yesu.

Yohane 4:47

Kanahadina tauna iti Yesu mesulemi mai i Galilea hangko i Yudea, laomi tauna iti i boea Kana mampohidupaa Yesu, nauliangaa, “Tua, ane peisa, laoke i Kapernaum, bona Nupakaohaa wongkoia anangku, lawi ina matemi.”

Suro 2:6

Karahadina tauna bosa pomoni au nodo himburu inona, teruhumohe hai wulihe, lawi mohadihe surona Pue Yesu mololita i lalu basanda hadua-hadua.