Lukasi 9:7 - Sura Malelaha

⁷ I tempo iti, Herode Antipas au moparenta i Galilea. Ia mohadi ope-ope au nababehi Yesu, ido hai wuli laluna. Lawi ara au manguli, “Yesu iami Yohane Toperiu au tuwo hule.”

Lukasi 9:7 Mawu Ofanana

Matiu 11:2

I tempo iti, Yohane Toperiu tangana ratarunggu. Kanahadina Yohane apa au napobago Kerisitu, ia motudu bahangkia topeguruna lao i Yesu mekune Iria, node,

Markus 8:28

Rahanai topeguruNa, “Arahe au manguli Yohane Toperiu au tuwo hule. Ara worihe au manguli nabi Elia. Ara worihe au manguli Oio hadua nabi au tuwo hangkoia.”

Lukasi 13:31

I tempo iti, arahe bahangkia toParisi au mai i Yesu, rauliangaa, “PadumoKo hangko inde, hai laomoKo i boea ntanina, lawi ara tunggaiana Datu Herode mopapateKo.”

Lukasi 21:25

“I alo, i wula hai i betue, ina ara tanda-tanda au metingkarai. Ope-ope tauna i dunia, ina langa hai wulihe moita balumba tahi hai mohadi pogumuruna tahi.

Lukasi 23:7

Rahanai, “Io, Ia to Galilea.” Kanahadina Pilatu pehananda, natudumi tauna moanti Yesu lao i Datu Herode, lawi Herode datu au moparenta i tampo Galilea. Tempo iti, Herode ara wori i Yerusale.

Lukasi 3:1

Hampulomi hai lima parena Kaisar Tiberius moparenta i wanua Roma, Pontiu Pilatu mewali gubernur i tampo Yudea, hai Herode Antipas au moparenta i Galilea. Pilipu, halaluna Herode, moparenta i Iturea hai i Trakonitis, hai Lisanias moparenta i Abilene.

Lukasi 9:19

Rahanai, “Arahe au manguli Yohane Toperiu. Ara worihe au manguli nabi Elia. Ara worihe au manguli Oio hadua nabi hangkoia au tuwo hule.”