Lukasi 9:39 - Sura Malelaha

³⁹ Ane napesuangi seta, monganga-nganga hai morada-rada, duuna mowire ngangana. Seta iti mampopeahi-ahi liliu anangku.

Lukasi 9:39 Mawu Ofanana

Markus 9:18

Ane napesuangi tokadake, madungka, mowire ngangana, mokei-kei bagana, hai malentoro watana. Kuperapimi i topeguruMu bona mampopelohohe tokadake iti, agaiana bara rabuku.”

Markus 9:20

Raanti mpuumi anangkoi iti i Yesu. I poitana Yesu, tokadake iti mampoporada-rada watana anangkoi iti duuna madungka tepalumba, hai mowire ngangana.

Markus 9:26

Tokadake iti monganga-nganga, mampoporada-rada anangkoi iti, pane melohomi. I pelohona tokadake, anangkoi iti barapi mokale-kale, nodomi au mate, alanda bosa tauna manguli, “Matemi!”

Lukasi 4:35

Agaiana nakambaroa Yesu, Nauli, “Mandiiko! Pelohomide hangko i tauna ide!” I lindonda tauna bosa, seta iti modungkami tauna au napesuangi hai padu, agaiana maroami tauna iti.

Lukasi 8:29

Mololita nodo lawi Yesu mowura kuasa tokadake iti hangko iria. (Tauna iti bosami belana naanti-anti kuasa tokadake, ido hai nauri rakampai, taiena hai bitina rataka rante batena pea nabotu-botu, hai melangka lao i paidaa au boa, naanti kuasa tokadake au mesua iria.)

Lukasi 9:38

Ara hadua tobalilo i olonda tauna bosa au mekakio, nauli, “Guru! Tulungi wongkoia, Peitaana anangku. Ia ana saduduangku.

Lukasi 9:40

Kuperapi tulungimi i topeguruMu bona tokadake iti rapopeloho, agaiana bara rabuku.”

Yohane 8:44

Umami iami Datu Tokadake! Hai nipeinao moula liliu peundeana umami iti. Hangko i nguru-nguruna ia topepapatemi. Paturona bara tou, lawi bara ara au tou iria. Ane modongko, itimi poantina, lawi ia topodongko mpuu, hai ope-ope tauna au modongko moulahe peundeana.

1 Peturu 5:8

Hangangaa manoto pekirimi hai mainga-ingakau! Lawi Datu Tokadake au mewali iwalimi molulumao nodo hambaa singa au melolo-lolo mohahaoki tauna au ina nahaka. Hangko pelolonato, melangakimi.

Pampetudungia 9:11

Ara datunda au moparentaihe. Datunda iti, iami malaeka au mokampai kabe ngkapate. Hangana i lalu basa Ibarani, iami Abadon. I lalu basa Yunani, Apolion. Lempona, Topegero-gero.