Lukasi 9:32 - Sura Malelaha

³² I tempo iti, letahe Peturu hai rangana. Pearonda, moitamohe Yesu, meawa mpuu wataNa, hai rodua tauna arahe i holaNa.

Lukasi 9:32 Mawu Ofanana

Markus 14:40

Roo indo, mesule mbulimi mampombelambia topeguruNa, hai Nalambi mbulihe tanganda leta anti kamaleluenda. Mewali bara raisa apa au hangangaa rauliangaa Yesu.

Yohane 1:14

Ngkora iti mewali manusia, hai maida i olonta i dunia ide. Hai ikami, kiitami kamahilena kuasaNa. KuasaNa iti Nalambi hangko i UmaNa, lawi iami AnaNa HaduduaNa. LolitaNa tou mpuu, hai tongawa ope-ope kabulaNa laluNa irikita.

Yohane 17:24

Uma, peundeaKu bona ihira au NuweimoNa ina maida hihimbela hai Iko i paidaaNgku bona moitahe peawaNgku. PeawaNgku iti NuweimoNa, lawi NupokakaiaNa hangko damani dunia ide rapopewali.

2 Peturu 1:16

Kipaturoakau kamahilena kuasana Amputa Yesu Kerisitu hai kaina haweNa hule i dunia. Au kipaturoakau ide, bara pea lolita au rababehi. Kiisa apa au kipaturoakau, lawi kisabiki mata peawana tuwona Yesu.

1 Yohane 3:2

Halalu au kupokaahi! Ide-ide, ananamoke Pue Ala. Agaiana bara mani taisa noumba kamaroana katuwonta i alo au ina mai, lawi bara manike rapatongawaa. Nauri nodo au taisa iami: ane hawe hule Kerisitu, ina mewalike himbela hai Ia, lawi ina taita mpuu noumba lenggeNa au katou-touana.