Lukasi 9:25 - Sura Malelaha

²⁵ Apa bunduna morampuke ope-ope peawa i dunia ide, ane barake molambi katuwo maroa i alo pebotusi?

Lukasi 9:25 Mawu Ofanana

Matiu 13:48

Bukemi, dalanda radii lao i lore, hai mohudamohe mampilei bau iti. Au maroa rapopesua i pamboliana, au bara maroa ratende.

Matiu 13:50

Tauna au kadake ina ratende i lalu api naraka. Ihira ina moteria hai mantodiha liliuhe.”

Matiu 16:26

Apa bunduna morampu ope-ope peawa i dunia, ane barake molambi katuwo maroa i alo pebotusi. Lawi bara ara au peisa taintolohia katuwo maroa iti.

Markus 8:36

Apa bunduna morampu ope-ope peawa i dunia, ane barake molambi katuwo maroa.

Suro 1:18

(Yudasi iti au moholo tampo au napotalumba hai doi hurungina babehiana au kadake. Inditimi, ia manawo hai mate, pane mabeto taina hai mabubu ope-ope ihi laluna.

1 Korintu 9:27

Hai kulati watangku bona mantahana, hai morempeki worina peundeana lalungku. Bara kuunde ane roo kupahawe Ngkora Marasa i tauna ntanina, ikomi au bara molambi parasee.

Ibarani 10:34

Maahi lalumi i tauna au ratarunggu anti peulanda i Pue Yesu. Ane anu-anumi rarampaki, bara nipokaehua. Agaiana batemi matana, lawi niisa kaarana au rapasilolongaakau i suruga au meliu kamaroana hai au bara mokahopoa.