Lukasi 9:22 - Sura Malelaha

²² Nauli mbuli Yesu, “Iko, Ana Manusia, hangangaa molambi ngkaia kapari. Ina rasapuakaNa totosae boea, kapala-kapala tadulako mpenomba hai guru-guru agama. Ina rapapateNa agaiana i kataluna alona ina tuwo huleNa.”

Lukasi 9:22 Mawu Ofanana

Matiu 17:12

Agaiana Kuuliangaakau, hawemi Elia, agaiana bara raisa tadulako boeanta. Ia rapopeahi-ahi moula peundeanda. Nodo wori Iko, Ana Manusia ina rapopeahi-ahi moula peundeanda.”

Matiu 17:22

I tempona Yesu hai topeguruNa teruhu i Galilea, Yesu mouliangaahe, “Iko Ana Manusia, ina rahuhuNa i kuasa manusia.

Matiu 27:63

rauli, “Tua Gubernur, kikatuinao lolitana topodongko iti, lawi i tempona mani tuwo, Nauli, ‘Kaliuna talu alona, ina tuwo huleNa.’

Markus 8:31

Roo indo, napepongkami Yesu mampololita i topeguruNa apa au hangangaa mewali i wataNa, Nauliangaahe, “Iko, Ana Manusia, hangangaa molambi ngkaia kapari. Ina rasapuakaNa totosae boea, kapala-kapala tadulako mpenomba hai guru-guru agama. Ina rapapateNa, agaiana i alo katalu ina tuwo huleNa.”

Markus 9:31

lawi i tempo iti, tangaNa mopaguru topeguruNa. Nauliangaahe, “Iko Ana Manusia, ina rahuhuNa i kuasa manusia. Ina rapapateNa, agaiana i alo katalu, ina tuwo huleNa.”

Lukasi 17:25

Agaiana nguru-nguruna, Iko hangangaa ina rapopeahi-ahiNa hai rasapuakaNa tauna au tuwo ide-ide.

Lukasi 24:26

Idemi au rapahaweakau nabi hangkoia: Datu Topehompo, hangangaa narumpa kapari, hangko molambiri pohudaa au meawa hai au teadai.”

Lukasi 24:44

Roo indo, mololitami Yesu irihira, Nauli, “Ope-ope au teuki i lalu Sura Aturana Musa, suranda nabi hai i sura Petoia kana i wataNgku hangangaa tepabukei. Ide lolitaNgku au Kupahaweamokau i tempoKu mani hihimbela hai ikamu.”

Lukasi 24:7

Nauli, Ana Manusia hangangaa rahuhu i tauna au kadake bona rapaku i kau mombehape, agaiana i kataluna alona ina tuwo hule.”

Lukasi 9:44

“Nipehadingi maroa-roa lolitaNgku ide: Iko Ana Manusia, ina rahuhuNa i kuasa manusia au kadake.”

1 Korintu 15:4

I kapateNa, ratawumi, hai i alo katalu rapatuwo hulemi, nodo au teuki i lalu Sura Malelaha.

1 Peturu 1:11

Anti peninina Inaona Kerisitu au ara i lalunda, Pue Ala mampopaisaahe noumba karumihina kapari au hangangaa morumpa watana Kerisitu hai noumba kamahilena tuwoNa ane liumi kapari iti. Agaiana nabi-nabi hangkoia, barahe moisa noumba ope-ope iti ina mewali. Ido hai raparesa ntepuu, lawi rapeinao raisa impira kaina haweNa hai noumba pewalina.