Lukasi 9:2 - Sura Malelaha

² Natuduhe lao mopahawe bambari kana i poparentana Pue Ala hai mopakaohahe tauna au mahai.

Lukasi 9:2 Mawu Ofanana

Matiu 10:5

Au hampulo hai rodua iti natuduhe Yesu lao mobambari Ngkora Marasa. Hangko damanihe meangka, Napaturohe nauli node, “Ineekau lao i boeanda tauna au barahe to Yahudi. Ineekau lao i boeanda to Samaria.

Matiu 13:19

Tinuda au manawo i tanga rara lempona tauna au mampehadingi mpuu bambari kana i poparentana Pue Ala, agaiana barahe moisa lempona. Hawemi Datu Tokadake morampaki ngkora iti hangko i lalunda.

Matiu 24:14

Hai Ngkora Marasa kana i poparentana Pue Ala batena rabambari i humalele dunia bona rahadi ope-ope tauna, hangko haweri kahopoa dunia.”

Matiu 3:2

nauliangaahe, “Menosomokau hangko i dosami, lawi barapi mahae ina hawe poparentana Pue Ala i dunia.”

Markus 16:15

Nauliangaahe Yesu, “Laomokau i humalele dunia, mopahawe Ngkora Marasa i ope-ope tauna.

Markus 6:12

Karoona Yesu mopaguruhe topeguruNa au hampulo hai rodua, meangkamohe lao mopaguru tauna bosa bona menosohe hangko i dosanda.

Lukasi 10:1

Roo indo, Pue Yesu mopilei pitu pulona topeulaNa au ntanina hai Natuduhe rorodua moioru i ope-ope boea au ina Nakalaongi.

Lukasi 10:11

‘Mogalo awu hangko i boeami au mentaka i palanta bitingki, kitaronta i lindomi bona niisa barapi ikami au mohuru ane Pue Ala mohukukau. Agaiana maroa-roakau, lawi ina hawemi poparentana Pue Ala!’

Lukasi 10:9

Nipakaoha tomahai au ara i lalu boea iti, hai niuliangaahe ampu boea: ‘Ina hawemi poparentana Pue Ala irikamu.’

Lukasi 16:16

Mepongka hangkoia duuna kahawena Yohane Toperiu, Aturana Musa hai suranda nabi-nabi rabambarimi hai rapaturoahe tauna. Agaiana mepongka ide-ide, Ngkora Marasa kana i poparentana Pue Ala au rabambari liliu. Ido hai bosa tauna mopari-pari mesua i lalu poparentaNa.

Lukasi 9:11

Agaiana kalaoanda raisa tauna bosa, ido hai mekulelehe. Kahawenda i Yesu, Nadokohe hai Napaturoahe kana i poparentana Pue Ala. Hai hema pea au mahai, Napakaoha.