Lukasi 8:42 - Sura Malelaha

⁴² lawi anana au towawine mahai hai ina matemi. Anana iti iami ana sadudua, tinuwuna hampulomi hai rompare. Laomi Yesu monontohi souna Yairus, hai i tanga rara bosa mpuuhe tauna au moupi-upi Yesu, duuna barapi peisa mokale.

Lukasi 8:42 Mawu Ofanana

Markus 5:24

Meulami Yesu i tauna iti, hai bosa tauna meula duuna Yesu barapi peisa mokale.

Lukasi 7:12

Hungkumohe i baba bente boea, moitamohe topopakowa hadua tomate mesuwu lao i raoa boea. Tomate iti, hadua anantomoane, ana saduduana hadua tobemba. Bosa ampu boea lao i talumba mamporangai inana.

Lukasi 8:41

Mai worimi hadua tadulako sou penombaa i boea iti, hangana Yairus. Kamoitana Yesu, molingkudumi i lindoNa merapi bona Yesu lao i souna,

Lukasi 8:43

I olonda tauna bosa iti, ara hadua towawine, au hampulomi hai rompare nahumba liliu, bara mengkangkaroo. Nauri bosami belana rapakulii, bara ara kamaohana.

Lukasi 8:45

Mekune Yesu, Nauli, “Hema au motoboNa?” Mesapuhe ope-ope au indo. Mewali nauli Peturu, “Guru, bosa gagahe tauna au motolelikike, mombeupi-upihe mogaguKo.”

Roma 5:12

Dosa mesua i lalu dunia melempo i hadua tauna au moliungi hawana Pue Ala. Dosa iti mopaara kapate i lalu dunia, alana kapate morumpa ope-ope tauna, lawi ope-ope tauna madosami.