Lukasi 8:33 - Sura Malelaha

³³ Mewali, melohomohe seta hangko i tauna iti, hai liliuhe mesua i boe. Pesuanda i boe, melangkamohe boe iti hai mengkanawohe i rano, pane matehe maliso.

Lukasi 8:33 Mawu Ofanana

Matiu 8:32

Nauli Yesu:, “Laomokau!” Meloho mpuumohe seta iti liliu mesua i boe. Melangkahe boe iti lao mengkanawo i rano pane matehe maliso.

Lukasi 5:1

Hambela tempo, tangana Yesu meangka i wiwi Rano Genesaret, bosahe tauna mombeupi-upi mampeinao mohadi Ngkorana Pue Ala.

Lukasi 8:32

Bara karao hangko inditi, arahe boe hambanguna tanganda masui i tampeka. Seta iti merapihe i Yesu bona Napaliuhe mesua i boe iti. Napaliu mpuuhe.

Lukasi 8:34

Karaitana tauna au mokampai boe apa au mewali iti, melangkamohe lao i boea hai i bonde au hungku mopahawe i ranganda apa au raita.

Yohane 8:44

Umami iami Datu Tokadake! Hai nipeinao moula liliu peundeana umami iti. Hangko i nguru-nguruna ia topepapatemi. Paturona bara tou, lawi bara ara au tou iria. Ane modongko, itimi poantina, lawi ia topodongko mpuu, hai ope-ope tauna au modongko moulahe peundeana.

1 Peturu 5:8

Hangangaa manoto pekirimi hai mainga-ingakau! Lawi Datu Tokadake au mewali iwalimi molulumao nodo hambaa singa au melolo-lolo mohahaoki tauna au ina nahaka. Hangko pelolonato, melangakimi.

Pampetudungia 9:11

Ara datunda au moparentaihe. Datunda iti, iami malaeka au mokampai kabe ngkapate. Hangana i lalu basa Ibarani, iami Abadon. I lalu basa Yunani, Apolion. Lempona, Topegero-gero.