Lukasi 8:1 - Sura Malelaha

¹ Bara mahae hangko indo, Pue Yesu molumaohi boea au mahile hai au koi mopahawe Ngkora Marasa kana i poparentana Pue Ala. Ia raporangai liliu topeguruNa au hampulo hai rodua.

Lukasi 8:1 Mawu Ofanana

Matiu 11:1

Karoona Yesu mopaturo topeguruNa au hampulo hai rodua, Ia laomi mepaturo hai mobambari Ngkora Marasa i boea-boea au hungku.

Matiu 13:19

Tinuda au manawo i tanga rara lempona tauna au mampehadingi mpuu bambari kana i poparentana Pue Ala, agaiana barahe moisa lempona. Hawemi Datu Tokadake morampaki ngkora iti hangko i lalunda.

Matiu 4:23

Yesu molumao i humalele tampo Galilea hai mepaturo i ope-ope sou penombaa. Ia mopahawe Ngkora Marasa kana i poparentana Pue Ala, hai mopakaoha worihe ope-ope tauna au mahai hai au bara masilolonga watanda.

Matiu 9:35

Nodomi Yesu mampolumaongi boea-boeana. Ia mepaturo i sou penombaa, mopahawe Ngkora Marasa kana i poparentana Pue Ala. Napakaoha wori ope-ope tauna au mahai hai au bara masilolonga watanda.

Markus 1:39

Ido hai laomi Yesu mobambari Ngkorana Pue Ala i ope-ope boea i tampo Galilea hihimbela hai topeguruNa. Ia mepaguru i sou penombaa au ara inditi, hai mampopeloho tokadake au mesua i tauna.

Lukasi 1:80

Anana Sakaria iti, kahile-hilea hai kamanoto-notoa laluna. Mahilemi, laomi maida i pada wungi duuna hawe tempona mampepongka mopahawe Ngkorana Pue Ala i to Yahudi.

Lukasi 20:1

Hambela tempo, Yesu mepaturo hai mopahawe Ngkora Marasa i tauna bosa au mogulu i Souna Pue Ala. Unga peahe hawe kapala-kapala tadulako mpenomba hai guru-guru agama hai totosaenda to Yahudi. Mekunehe i Yesu, rauli,

Lukasi 4:18

“Inaona Pue Ala mendaulu Iriko, lawi Ikomi au Napakanoto mobambari Ngkora Marasa i tauna au meahi-ahi tuwonda. NatuduNa mopahawe i toratawani kaina rakabahanda, hai mouliangaahe tobilo kaina meitanda. NatuduNa mokabahahe au rapohawi,

Lukasi 9:6

Karoonda napaturo Yesu, meangkamohe lao i boea-boeana mobambari Ngkora Marasa hai mopakaohahe tauna au mahai iumba pea.

Suro 10:38

Niisa wori noumba tuntukana Yesu to Nasare au napileimi Pue Ala hai Nawei Inao Malelaha hai kuasa. Iumba pea polumaoaNa, Ia mobabehi apa au maroa lawi naporangai Pue Ala, hai Ia mopakaoha ope-ope tauna au napopeahi-ahi Datu Tokadake.

Suro 13:32

Napaliliu Paulu lolitana i to Yahudi i sou penombaa iti, nauliangaahe, “Mewali halalu, ikamimi au mopahaweakau Ngkora Marasa ide. Apa au Nadandi Pue Ala hangkoia i toiorunta, Napopewalimi irikita pemuleanda. Pue Ala mopatuwo hule Yesu hangko i kapate nodo au teuki i lalu Petoia au kadua: ‘Oiomi AnaNgku. Alo ide KupoanamoKo.’

Roma 10:15

Hai noumbami kapeiasanda mobambari kana Iria ane barahe ratudu? Nodo au teuki i lalu Sura Malelaha node: “Maroa mpuu kahawenda tauna au mopahawe bambari maroa!”