Lukasi 7:50 - Sura Malelaha

⁵⁰ Hangko inditi, nauli Yesu i towawine iti, “Anti pepoinalaimu Iriko, tehoremamoko hangko i huku dosamu. Mesulemoko i lalu Roa ngkatuwo.”

Lukasi 7:50 Mawu Ofanana

Matiu 9:22

Membalilimi Yesu i towawine iti hai Nauliangaa, “AnaNgku, nupakaroho lalumu! Maohamoko, lawi mepoinalaiko Iriko.” Tempo iti pea womi, maohami towawine iti.

Markus 10:52

Nauli Yesu, “Laomoko. Lawi mepoinalaiko Iriko, Kupakaohamoko!” Unga pea meita, hai liliu meula i Yesu.

Markus 5:34

Yesu mouliangaa towawine iti, “AnaNgku! Maohamoko lawi mepoinalaiko Iriko. Mesulemoko maroa-roa. Maohamoko, barapi ara hakimu.”

Lukasi 17:19

Hangko indo, nauli mbuli Yesu i tauna iti, “Meangkamoko, hai laomoko. Anti pepoinalaimu Iriko, ido hai maohamoko.”

Lukasi 18:42

Nauli Yesu, “Meitamoko. Anti pepoinalaimu Iriko, ido hai maohako.”

Lukasi 7:9

Tingkara Yesu mohadi lolitana tadulako iti. Ido hai membalili i tauna bosa au meula Iria, Nauliangaahe, “Mahile mpuu pepoinalaina tauna ide! Kehapiri i to Isaraeli, bara mani ara hadua Kuhumba au mahile pepoinalaina nodo tauna ide.”

Lukasi 8:18

Ido hai Kuuliangaakau, nipehadingi maroa-roa Ngkorana Pue Ala. Lawi tauna au mampoinalai Ngkorana Pue Ala, rapakanoto lalunda bona tetambai apa au ara irihira. Agaiana tauna au barahe mampoinalai Ngkorana Pue Ala, nauri arami haodi au raisa, hangangaa raala hule.”

Lukasi 8:42

lawi anana au towawine mahai hai ina matemi. Anana iti iami ana sadudua, tinuwuna hampulomi hai rompare. Laomi Yesu monontohi souna Yairus, hai i tanga rara bosa mpuuhe tauna au moupi-upi Yesu, duuna barapi peisa mokale.

Lukasi 8:48

Nauliangaa Yesu, “AnaNgku, maohamoko lawi mepoinalaiko Iriko. Mesulemoko, hai roa ngkatuwo mamporangaiko.”