Lukasi 7:21 - Sura Malelaha

²¹ I tempo iti wori, Yesu mopakaoha bosa tauna hangko i hakinda, pantodihanda hai mampopeloho seta hangko i tauna au napesuangi. Napakaoha worihe tobilo bona meitahe.

Lukasi 7:21 Mawu Ofanana

Matiu 4:23

Yesu molumao i humalele tampo Galilea hai mepaturo i ope-ope sou penombaa. Ia mopahawe Ngkora Marasa kana i poparentana Pue Ala, hai mopakaoha worihe ope-ope tauna au mahai hai au bara masilolonga watanda.

Matiu 4:24

Pobagona Yesu tebambari i ope-ope boea i tampo Siria, alana bosa tauna au mai mampeinaohe mohidupa hai Ia. Tauna iti moantihe ranganda ba halalunda au mantodiha ngkaia pakana hakinda hai kaparinda, au napesuangi seta, au mohaki dungka, hai au palu. Yesu mopakaohahe ope-ope.

Markus 5:29

I kanatobona, unga pea teompo wahena. Nahadi maoha mpuumi.

Markus 5:34

Yesu mouliangaa towawine iti, “AnaNgku! Maohamoko lawi mepoinalaiko Iriko. Mesulemoko maroa-roa. Maohamoko, barapi ara hakimu.”

Lukasi 7:20

Lao mpuumohe topeguruna au rodua iti mouliangaa Yesu, rauli, “Ido hai maingkai i Tua, lawi natudungkai Yohane Toperiu. Napekune: ba Oio mpuumi Datu Topehompo au nadandi Pue Ala? Ba ara mani au ntanina kipegia?”

Ibarani 12:6

Lawi Pue Ala mokambaroa ope-ope tauna au Napokaahi, hai mokarumpui ope-ope tauna au Napoana.”