Lukasi 7:16 - Sura Malelaha

¹⁶ Tauna au moitahe apa au mewali iti, langamohe hai mepongkamohe motoia Pue Ala, rauli, “Hadua nabi au makuasa ntepuu ara i olonta! Hawemi Pue Ala irikita taunaNa.”

Lukasi 7:16 Mawu Ofanana

Matiu 15:31

Tingkaramohe tauna bosa moita ope-ope tauna au napakaoha Yesu: tauna au bara peisa mololita, mololitamohe, au bara masilolonga watanda, maroa hulemi watanda, au palu molumaomohe, au bilo meitamohe. Ido hai tauna iti mampomahile Pue Ala au rapenombai to Yahudi.

Matiu 21:11

Rahanai tauna au hihimbela hai Ia, “Idemi Yesu, hadua nabi hangko i Nasare i tampo Galilea.”

Matiu 28:8

Hoholigahe towawine iti padu hangko i talumba. Langa mpuuhe, agaiana matana worihe. Melangkamohe lao i topeguruna Yesu lawi rapeinao mopahawe apa au mewali.

Matiu 9:8

Karaitana tauna bosa apa au mewali iti, langamohe, hai motoiahe Pue Ala, rauli, “Mahile mpuu kuasana Pue Ala au Nawei manusia!”

Lukasi 1:65

Tingkara mpuumohe ope-ope hintongginda, hai bambari iti tehawukami i tongku-tongkuna i tampo Yudea.

Lukasi 1:68

“Ikita to Yahudi, tatoiami Pue Ala Amputa! Lawi Iami au maike mosondaki, ikita anaNa, hai Iami au mokabahake hangko i iwalinta.

Lukasi 19:44

Ina marugikau, ikamu hai boeami hai ope-ope ihina, duuna barapi ara haogu watu i soumi au mentara i paidaana. Ope-ope iti hangangaa mewali, lawi bara niisa alo kamaina Pue Ala irikamu.”

Lukasi 2:20

Roo indo, toporewu iti mesulemohe, hai i tanga polumaonda motoiahe hai mampomahilehe Pue Ala, lawi ope-ope au rahadi hai au raita, tou-tou mewali nodo au nauliangaahe malaeka.

Lukasi 24:19

Nauli Yesu, “Apari au mewali?” Mehanahe, rauli, “Au mewali iti kana i Yesu to Nasare! Ia hadua nabi au makuasa i pobagoNa hai i pololitaNa, maroa i peitana Pue Ala ba i peitana tauna.

Lukasi 5:26

Tingkara mpuuhe ope-ope tauna au moita, hai motoiahe Pue Ala. Langa worihe, rauli, Metingkarai mpuu apa au taita inona!”

Lukasi 5:8

Tingkarami Simo Peturu hai ope-ope tauna au hihimbela hai ia moita kangkaiana ikane au ara i lalu dalanda. Ido hai molingkudumi Peturu i lindona Yesu, nauli, “Pue, ineena Nuhungkuki lawi ide iko tomadosana.”

Lukasi 7:15

Tuwo hulemi anantomoane au mate iti, liliu mohuda hai mololita. Nauli Yesu irinana, “Ina, idemi anamu.”

Lukasi 7:39

Kanaitana Simo apa au nababehi towawine iti, nauli laluna, “Ane tauna ide tou-tou mpuu hadua nabi, hangangaa Naisa kahemana towawine au motobo, hai hangangaa Naisa wori kadana maroa babehiana.”

Lukasi 8:37

Ido hai ope-ope tauna i tampo Gerasa merapi i Yesu bona padu hangko i tamponda, lawi langa mpuuhe. Mewali mesawi mbulimi Yesu i duanga hihimbela hai topeguruNa, hai padumohe.

Lukasi 9:19

Rahanai, “Arahe au manguli Yohane Toperiu. Ara worihe au manguli nabi Elia. Ara worihe au manguli Oio hadua nabi hangkoia au tuwo hule.”

Yohane 1:21

Mekune mbulihe, “Ane nodo, hemariko? Ba nabi Eliako?” Nauli Yohane, “Bara.” Mekune mbulihe, rauli, “Ba oiomi nabi mahile au radandi hangkoia au rauli ina mai i dunia?” Nauli Yohane, “Bara wori iko.”

Yohane 4:19

Nauli towawine iti, “Ide-ide kuisami, Oio haduaKo nabi!

Yohane 6:14

Karaitana tauna bosa tanda kuasa iti, mololitamohe hadua hai hadua, rauli, “Ia mpuumi nabi au radandi hangkoia, au rauli ina mai i dunia!”

Yohane 9:17

Hangko inditi, mekune mbulimohe i tobilo iti, rauli, “Ane oio, apa au nuuli, lawi Napakaohami matamu.” Nauli tobilo iti, “Manoto Ia hadua nabi.”

Suro 5:5

Kanahadina Ananias lolitana Peturu, liliu madungka hai mate. Ope-ope tauna au mohadi apa au mewali, langa mpuuhe.

Suro 7:37

Hai Musa wori au mopahawe lolita ide i to Yahudi, nauli, ‘Pue Ala ina moangka hadua hangko i halalumi. Ia ina Napopewali nabi nodo iko.’

Galatia 1:24

Ido hai motoiamohe Pue Ala, lawi mohadihe apa au mewali iriko.