Lukasi 7:13 - Sura Malelaha

¹³ Kanaitana Pue Yesu towawine iti, maahimi laluNa, hai Nauliangaa, “Ineemoko moteria!”

Lukasi 7:13 Mawu Ofanana

Markus 8:2

“Maahi laluNgku moitahe tauna bosa ide. Talumi alonda inde, barapi ara paandenda.

Lukasi 10:1

Roo indo, Pue Yesu mopilei pitu pulona topeulaNa au ntanina hai Natuduhe rorodua moioru i ope-ope boea au ina Nakalaongi.

Lukasi 11:1

Hambela tempo, Yesu lao mekakae. KarooNa mekakae, hadua topeguruNa mouliangaa Yesu, “Pue, Nupaturo wongkamia mekakae, nodo Yohane Toperiu mopaturo worihe topeguruna.”

Lukasi 11:39

Ido hai nauliangaahe Yesu, “Ikamu toParisi nodokau hadua tauna au mobahoi paenua hai tabo i raoana pea. Agaiana i lalumi, kadake ntepuukau hai mampokaelukau anu-anuna rangami.

Lukasi 12:42

Nahanai Pue Yesu, “Nipailalu ngkora pandiri ide: Ara hadua hawi au manoto laluna hai au peisa napoinalai ampuna. Ia naangka ampuna motosaengi hawi ntanina hai mourusi paandenda alo-alona.

Lukasi 13:15

Nahanai Pue Yesu, “Ikamu, maroa i raoa peakau! I Alo Pengkarooangaa, ope-ope tauna mokabaha japinda hai baulanda hangko i gimpunda bona raanti lao rapaenu i raoa.

Lukasi 17:5

Rauli topeguruNa, “Pue, pakarohoa wongkamia pepoinalaingki!”

Lukasi 17:6

Nahanai Yesu, “Ane arami pepoinalaimi nauri kokoi pea nodo lihu hahawi, peisakau mouliangaa kau mahile ide: ‘Mawukamoko hangko inde, hai melimbako i tahi!’ hai batena ina mewali moula hawami.”

Lukasi 18:6

Roo indo, nauli Pue Yesu, “Nipekiri apa au nauli topebotusi iti. Nauri bara manoto laluna, agaiana naunde motulungi tobemba au merapi tulungi liliu iria.

Lukasi 19:8

Tangana Yesu i lalu sou, meangkami Sakeu hai mololita nauli, “Pue, hantanga hangko i ope-ope anu-anungku ina kuweihe tauna au meahi-ahi tuwonda. Hai hema pea au kubagiu, ina kupopesuleahe iba belana hangko i apa au kubagiungaahe.”

Lukasi 22:61

hai membalilimi Pue Yesu mototoki Peturu. I tempo iti, nakatuinaomi Peturu lolitana Pue Yesu au mouliangaa, “Hangko damani motuturua manu, talumi belaNgku nusapuaka.”

Lukasi 24:3

Pesuanda i lalu talumba, ralambi watana Pue Yesu barapi ara.

Lukasi 24:34

Molololitahe, rauli, “Tou mpuu, Pue Yesu tuwo hulemi. Ia mopatongawami wataNa i Simo!”

Lukasi 7:12

Hungkumohe i baba bente boea, moitamohe topopakowa hadua tomate mesuwu lao i raoa boea. Tomate iti, hadua anantomoane, ana saduduana hadua tobemba. Bosa ampu boea lao i talumba mamporangai inana.

Lukasi 7:14

Nahungkukimi Yesu popakowaa tomate iti hai Napetobo. Mengkaroomohe tauna au mopakowa. Nauli Yesu, “Anantomoane! Mearomoko!”

Lukasi 7:19

nauliangaahe, “Laomokau i Yesu hai niuliangaa, ‘Ba Oio mpuumi Datu Topehompo au nadandi Pue Ala? Ba ara mani au ntanina kipegia?’ ”

Lukasi 8:52

Ope-ope tauna au mogulu inditi moteriahihe anangkoi au mate. Agaiana nauli Yesu, “Ineemokau teria. Anangkoi ide bara mate agaiana leta pea.”

Yohane 11:3

Halaluna au rodua iti motuduhe tauna lao mouliangaa Yesu, “Pue, himadaMu au Nupokaahi, tangana mahai.”

Yohane 20:13

Mekunehe malaeka iti i Maria, rauli, “Ina, moapari pane moteriako?” Nauli Maria, “Ampuku raalami hangko inde, hai bara kuisa iumba rawoli.”

Yohane 20:15

Mekunemi Yesu iria, “Ina, moapari hai moteriako? Hema au nuhaoki?” Nauli laluna Maria: ba topokampai bonde dolou. Ido hai nauliangaa, “Tua, ane Oio au mangala wataNa, Nutudungiana iumba nuwoli bona lao kuala.”

Yohane 4:1

Rahadimi toParisi bambari au manguli kabosa-bosaami tauna au lao mampoperiu i Yesu, alana meliu kabosanda tauna au meula i Yesu pane tauna au meula i Yohane.

Yohane 6:23

Roo indo, hawemohe tauna moduanga hangko i wanua Tiberias, hai mesorehe hungku i paandea tauna bosa moande roti au nawati Pue Yesu.

1 Korintu 7:30

Ikamu au moteria, inee gaga masusa lalumi. Ikamu au matana, inee melumbu kamatanami. Ikamu au meholo ba apa-apa, inee mentaka lalumi i anu-anu iti.

1 Tesalonika 4:13

Halalu, tunggaiana lalungki bona moisa mpuukau apa au ina mewali i ranganta au matehe dati masusa ntepuu lalumi nodohe tauna au bara ara peharunganda i Pue Ala.

Ibarani 2:17

Ido hai Yesu hangangaa mewali manusia au himbela hai ikita halaluNa i paka-pakana bona Ia mewali Tadulako Mpenomba Mahile. Hai i lalu pampopolumaona bagoNa i Pue Ala, Ia matundu hai maahi laluNa. Hai i lalu pobagoNa iti, Ia mopaara kateampunginda manusia.

Ibarani 4:15

Lawi Tadulako Mpenomba Mahilenta iti moisa kamaledenta. Naisa ntepuu, lawi Ia rakelo worimi i hinangkana nodo ikita, agaiana Ia bara madosa.