Lukasi 6:44 - Sura Malelaha

⁴⁴ Niisa kamaroana hinangkana kau ane niitami powuana. Anggoro bara rapupu hangko i dui sumbali. Kau rodo bara mowua gambu.

Lukasi 6:44 Mawu Ofanana

Matiu 12:33

Nauli mbuli Yesu i toParisi, “Ane kau au maroa, maroa wori wuana. Ane kau au bara maroa, bara wori maroa wuana. Kamaroana kau ba kadana, taisa i wuana.

Matiu 7:16

Niisa podongkonda ane niita wuana pobagonda au kadake. Anggoro bara rapupu hangko i dui sumbali. Kau rodo bara mowua gambu.

Matiu 7:20

Niisa pepakanawonda nabi iti ane niita wuana pobagonda.

Yakobu 3:12

Kau ara bara mowua saitun. Hai anggoro bara mowua wua ara. Mata owai au kebure bara mopaara owai au matawaa. Halalu nodo wori dilanta, bara hintoto ane tapake mohowara apa au maroa hai mohowara mbuli apa au kadake.

Yudasi 1:12

I pogulu-guluami, guru au mepakanawo iti maandehe hihimbela hai ikamu nodo rangami, agaiana mepakaea mpuu babehianda. Ane moguluhe hihimbela hai ikamu, mehioro mpuuhe hai mampekiri peahe watanda. Ihira nodo gawu au nawui himburu agaiana bara mopaara uda. Ihira nodo kau au bara maroa: ane hawe tempo powua, bara ara wuana. Ido hai rawuka peami alana bangi.