Lukasi 6:24 - Sura Malelaha

²⁴ Agaiana marugikau, ikamu au pebuku ide-ide, lawi nihumbami kamatanami, hai barapokau ina matana.

Lukasi 6:24 Mawu Ofanana

Matiu 6:16

“Ane mopuasakau, inee marinti lindomi nodohe tauna au maroa i raoa peahe. Ane mopuasahe, marinti lindonda hai raoaka barahe mewawalindo ba mekarabi bona raita tauna kamopuasanda. Nikatuinao, anti karalambinami petoia hangko i ranganda, barapohe molambi apa-apa hangko i Pue Ala.

Matiu 6:2

Mewali, ane motulungikau tauna au meahi-ahi, inee nipopaisa i tauna bosa, nodo au rababehi tauna au maroa i raoa pea. Ihira mampetudungia kamaroana lalunda i lalu sou penombaa ba i rara au mahile bona ratoia hangka ranganda. Bara ara apa-apa au ina rahumba hangko i Pue Ala, lawi rahumbami petoia hangko i ranganda.

Matiu 6:5

“Ane mekakaekau, ineekau nodo tauna au maroa peahe i humenda. Raunde meangka mekakae i lalu sou penombaa ba i porompengaa rara bona raita hai ratoiahe tauna. Mewali, anti karahumbanami petoianda ranganda, barapohe molambi pewati hangko i Pue Ala.

Lukasi 6:25

Marugikau au mabuhu ide-ide, lawi ina marimikau. Marugikau au matana ide-ide, lawi ina masusa lalumi hai ina moteriakau.

1 Timotiu 6:17

I tauna au pebuku, nupaturohe bona ineehe mampemahile hai ineehe meharunga i anu-anu dunia, lawi anu-anu dunia batena pea marugi. Agina mepoinalaihe i Pue Ala au moweike ope-ope pewati au bara ara hokana. Iami au tapokatana.

Yakobu 2:6

Agaiana ikamu mokakabosairikau tauna au meahi-ahi iti hai moadaikau topebuku. Bara pae tauna au pebuku itimohe au moewakau hai moantikau i lindona topoparenta?