Lukasi 6:19 - Sura Malelaha

¹⁹ Tauna bosa iti mopari-parihe motobo Yesu, lawi ara kuasa au mesuwu hangko i wataNa au mopakaohahe ope-ope tauna.

Lukasi 6:19 Mawu Ofanana

Matiu 14:36

Merapihe i Yesu, rauli, “Ane peisa, huba wuntu baduMumi kipetobo.” Mewali ope-ope tauna au motobo baduNa, liliu maoha mpuumohe.

Markus 5:30

I tempo iti wori, nahadi Yesu ara kuasa au mesuwu hangko Iria. Membalilimi i tauna bosa hai mekune, Nauli, “Hema au motobo baduNgku?”

Markus 6:56

Iumba pea kalaoana Yesu, i boea mahile ba i boea au kokoi, moantihe ranganda au mahai rawoli i pobalu-balua, pane merapihe i Yesu bona Ia peisa ratobo, nauri wuntu baduNa pea. Hai ope-ope au motobo baduNa, liliu maoha mpuumohe.

Markus 8:22

Hangko inditi, hawemohe i boea Betsaida. Inditi, arahe tauna au moanti hadua tobilo i Yesu. Merapihe bona Natobo.

Lukasi 5:17

Hambela tempo, tangana Yesu mepaturo, arahe bahangkia toParisi hai guru-guru agama au mohuda inditi. Ihira hawe hangko i boeanda i tampo Galilea, Yudea, hai hangko i wanua Yerusale. Kuasana Pue Ala ara i Yesu, ido hai Nabuku mopakaoha tomahai.

Lukasi 6:18

Hawehe inditi, lawi mampeinaohe mohadi lolitana Yesu hai merapihe bona Napakaohahe. Au napesuangihe seta Napakaoha worihe.

Suro 19:12

Kehapiri lencona ba komona pea raanti i tomahai, batenda maoha, hai meloho mpuuhe ope-ope seta au mampopeahi-ahihe.

1 Peturu 2:9

Agaiana ikamu, halalu, napileimokau Pue Ala au mampopewalikau nodo tadulako mpenomba au mampopolumao bago mpenomba i Datunta. Napatanikau mewali kiraNa hai taunaNa au malelaha. Pue Ala mopileikau hai mokakiokau hangko i kamakaindi mesua i lalu kamabaaNa au merae ntepuu bona mopahawekau bagoNa au maroa i ope-ope tauna.