Lukasi 6:17 - Sura Malelaha

¹⁷ Roo indo, mempanaulumi Yesu hihimbela hai topeguruNa. Mengkaroomohe i lempena, lawi inditi bosahe tauna au meula Iria mepegia. Inditi ara worihe bosa tauna au hangko i humalele tamponda to Yahudi, hangko i wanua Yerusale hai hangko i wanua Tirus hai Sidon au i wiwi ntahi.

Lukasi 6:17 Mawu Ofanana

Matiu 11:21

Nauli Yesu, “Hurewukau to Korasim hai to Betsaida! Ngkaiami tanda kuasa au Kubabehi i boeami, agaiana bara mpuukau menoso hangko i dosami. Ane rapana tanda kuasa iti Kubabehi i lalu wanua Tirus hai Sidon, kemahaemohe menoso hangko i dosanda, nauri barahe to Yahudi. Kemangalamohe waru ngkasusa rapohampi, hai watanda raawui, tanda katebalikinami lalunda.

Matiu 12:15

Naisa Yesu kaarana tunggaianda toParisi au kadake Iria. Ido hai padumi hangko inditi, hai bosa tauna meula Iria. Ia mopakaoha ope-ope tauna au mahai,

Matiu 14:14

Pendauluna Yesu hangko i duanga, Ia moita tauna bosa indo. Maahi laluNa moitahe, hai Napakaohahe au mahai.

Matiu 15:21

Hangko indo, laomi Yesu i tampo au hungku i wanua Tirus hai Sidon.

Matiu 5:1

Kanaitanda Yesu tauna bosa, mempanaimi lao i tongku-tongkuna hai mohuda. Pohudana peami Yesu, laomohe topeguruna hungku Iria.

Lukasi 5:15

Agaiana nauri nodo lolitana Yesu, bambari iti tehawuka iumba-umba pea, alanda bosa tauna mai i Yesu bona mohadihe lolitaNa hai Napakaohahe hangko i hakinda.

Lukasi 6:12

Hambela tempo, Yesu laomi i tongku-tongkuna, hai mekakae hambengia i Pue Ala.

Lukasi 6:18

Hawehe inditi, lawi mampeinaohe mohadi lolitana Yesu hai merapihe bona Napakaohahe. Au napesuangihe seta Napakaoha worihe.