Lukasi 5:14 - Sura Malelaha

¹⁴ Roo indo, Yesu mokonto tauna iti, Nauli, “Inee nupopololita i hema pea apa au mewali inona. Laomoko hampai nupetudungia watamu i Tadulako Mpenomba bona naita kamaohamumi, hai nuantimi popenombamu moula parenta au teuki i lalu Aturana Musa bona tongawa i ope-ope tauna kamaohamumi.”

Lukasi 5:14 Mawu Ofanana

Matiu 10:18

Anti peulami Iriko, ikamu ina rahuhu i topoparenta hai i datu-datu. I tempo iti, ina raweikau katepaka mopahawe kana i pepoinalaimi Iriko i lindonda topoparenta hai i tauna au bara manihe moisa Pue Ala.

Matiu 12:16

hai nakontohe Yesu nauli, “Inee mpuu niuli-uli kahemaNgku.”

Matiu 8:4

Roo indo, nauli mbuli Yesu iria, “Inee nupopololita i hema pea apa au mewali inona. Laomoko hampai nupetudungia watamu i tadulako mpenomba bona naita kamaohamumi, hai nuantimi popenombamu moula parenta au teuki i lalu Aturana Musa bona tongawa i ope-ope tauna kamaohamumi.”

Matiu 9:30

Unga peahe meita. Roo indo, nakontohe Yesu, Nauli, “Inee nipopololita i hema pea apa au Kubabehi irikamu ide.”

Markus 1:44

“Inee nupopololita i hema pea apa au mewali inona. Laomoko hampai nupetudungia watamu i tadulako mpenomba, bona naita kamaohamumi, hai moantiko popenombamu moula parenta au teuki i lalu Aturana Musa, bona tongawa i ope-ope tauna kamaohamumi.”

Markus 6:11

Ane ara ampu boea au barakau radoko ba au barahe madota mampehadingi lolitami, nipalehi boea iti, hai nitaronta awu au mentaka i palanta bitimi, iti tandana barapi ikamu au mohuru ane Nahukuhe Pue Ala.”

Lukasi 17:14

Kanaitanda Yesu, Nauliangaahe, “Laomokau nipetudungia watami i tadulako mpenomba bona tongawa kamaohamimi.” Tanganda molumao, maohamohe.

Lukasi 5:13

Napetobomi Yesu tauna iti, Nauliangaa, “MauNa. Maohamoko!” Unga pea maoha tauna iti.

Lukasi 9:5

Ane hawekau i boea hai barakau radoko ampu boea, nipalehi boea iti, hai nitaronta awu au mentaka i palanta bitimi, tandana barapi ikamu au mohuru ane Pue Ala mohukuhe.”