Lukasi 5:10 - Sura Malelaha

¹⁰ Ara worihe rodua rangana Simo Peturu au mampotingkara. Hanganda iami Yakobu hai Yohane, ananahe Sebedeus au mobago sambelahe hai Simo Peturu. Nauli Yesu i Simo, “Ineeko langa. Mepongka ide-ide, barapoko modala ikane, agaiana manusiami au nudala.”

Lukasi 5:10 Mawu Ofanana

Matiu 13:47

“I alo pebotusi i kahopoa dunia, poparentana Pue Ala nodo ngkora pandiri ide: hambua dala au mahile ratende topebau i lalu rano. Ngkaia pakana bau mesua i lalu dala iti.

Matiu 14:27

Agaiana Nakambaroahe Yesu, Nauli, “Pakaroho lalumi! Ikoto dide! Ineekau langa.”

Matiu 20:20

I tempo iti, towawinena Sebedeus hai anana rodua maihe i Yesu. Inanda iti molingkudu motumpa i lindoNa lawi ara au ina naperapi.

Matiu 4:19

Nauliangaahe Yesu, “Maimokau hai meulakau Iriko! Barapi ikane au nidala, agaiana manusiami.”

Matiu 4:21

Roo indo, Yesu mopaliliu polumaoNa. TangaNa lumao, moita mbuli rodua topohalalu, iamohe, Yakobu hai Yohane, anana Sebedeus. Ihira hai umanda tanganda mopakaroa dala i lalu duanga. Yesu mokakiohe tontaliadi iti bona meulahe Iria.

Markus 1:17

Nauliangaahe Yesu, “Maimokau hai meulakau Iriko! Barapi ikane au nidala, agaiana manusiami.”

Lukasi 5:7

Mokawemohe ranganda au ara i duanga ntanina bona maihe medurei. Mai mpuumohe, hai roogu duanga iti raihii ikane duuna ina tirimi anti kamantimina.

Lukasi 6:14

Idemi hanganda: Simo au Nahanga Peturu, Andaria adina Simo, Yakobu hai Yohane, Pilipu hai Bartolomeus, Matiu hai Tomas, Yakobu anana Alfeus, Simo to Selot, Yudasi anana Yakobu, hai Yudasi Iskariot au mampobalu Yesu.

Yohane 21:2

Hambela tempo bahangkiahe topeguruna Yesu mogulu i wiwi rano, iami Simo Peturu, Tomas au rauli Toporopa, Natanael hangko i boea Kana i tampo Galilea, rodua anana Sebedeus, hai rodua topeguruna Yesu au ntanina.

Suro 2:4

Roo indo, ope-ope tauna iti nakuasaimohe Inao Malelaha, hai mepongkamohe mololita i lalu ngkaia pakana basa au bara mani raisa, moula apa au napakanotoahe Inao Malelaha.

2 Korintu 8:23

Ane arahe tauna au mekune kana i Titu, niuli iami rangangku au hampopobago au kutudu lao motulungikau. Hai ane arahe au mampekune kana i rangana au rodua, ihirami tauna au ratudu jumaa inde bona laohe motulungikau i bagomi. Tauna ide mampomahile hangana Kerisitu.