Lukasi 4:5 - Sura Malelaha

⁵ Roo indo, Datu Tokadake moantimi Yesu lao i kapangka-pangkaana. I tempo iti, ia motudungia ope-ope kadatua i dunia,

Lukasi 4:5 Mawu Ofanana

Matiu 24:14

Hai Ngkora Marasa kana i poparentana Pue Ala batena rabambari i humalele dunia bona rahadi ope-ope tauna, hangko haweri kahopoa dunia.”

Matiu 4:8

Roo indo, Datu Tokadake moanti mbulimi Yesu lao i wongko bulu au mapangka ntepuu, hai natudungia ope-ope kadatua i dunia hai peawanda,

1 Korintu 15:52

Ope-ope iti pewalina hangkapira mata pea ane ratawuemi tatamburu au kahopoana. Lawi ane tatamburu iti ratawue, Pue Ala ina mopatuwo hule tomate, hai Naweihe wata au barapi ina mate. Hai ikita au tuwo manike, Nawouki wori watanta.

1 Korintu 7:31

Ikamu au mowulai anu-anu dunia, inee peakau mampekiri katuwomi i dunia ide. Lawi dunia au tapaidai ide ina tuna.

2 Korintu 4:17

Kapari au kipolumaongi ide-ide bara hanoumba hai hampalai pea, hai ane mantahangkai ina molambingkai katuwo maroa au bara mokahopoa. Peawana katuwo au ina kilambi iti melumbu kamahilena hangko i kapari au kihampei ide-ide.

Epesu 2:2

I tempo iti, babehiami alo-alona moula babehianda tauna au kadake i dunia ide; lempona matundukau i Datu Tokadake au makuasa i laerawa. Kuasa iti duuna ide-ide, mobago liliu i lalunda tauna au barahe mengkoru i Pue Ala.

Epesu 6:12

Lawi i pombealata ide, barake moewa manusia agaiana moewake au makuasa au bara taita. Moewake tadulako-tadulako kamakaindi au makuasa i dunia. Moewake hinangka seta hai tokadake au mokuasai laerawa.