Lukasi 4:42 - Sura Malelaha

⁴² Kahalona madondo, padumi Yesu hangko i boea iti lao i hambua paidaa au boa. Bosa tauna lao mohaoki, duuna ralambi. Merapihe bona ineehe Napalehi.

Lukasi 4:42 Mawu Ofanana

Markus 1:45

Agaiana, iumba pea kalaoana tauna iti, napololita liliuri kanapakaohana Yesu, alana Yesu barapi peisa mesua i lalu boea iti tontolea dati ratoleliki tauna. Ido hai Yesu maida pearai i raoa boea i pada wungi. Agaiana nauri nodo, bosa liliuhe tauna au hangko i boea-boeana mampeinao mampohidupaa Yesu.

Lukasi 24:29

Agaiana tauna au rodua iti mopari-parihe Yesu bona mehupe sambelahe, rauliangaa, “Indemoke hampai, lawi ina kaindimi, ina tampumi alo.” Mewali mehupe mpuumi Yesu hihimbela hai ihira.

Lukasi 6:12

Hambela tempo, Yesu laomi i tongku-tongkuna, hai mekakae hambengia i Pue Ala.

Yohane 4:34

Ido hai nauliangaahe Yesu, “PaandeKu, iami mampeulaiNa peundeana Pue Ala au motuduNa, hai moparooNa bago au NaweiNa.

Yohane 4:40

Mewali, laomohe mampohidupaa Yesu, hai raperapi ntepuu bona Yesu mehupe i boeanda. Ido hai Yesu maidami inditi rombengia.

Yohane 6:24

Karaisana tauna bosa, Yesu barapi ara inditi hai topeguruNa wori barapohe ara, moduangamohe lao rahaoki i Kapernaum.