Lukasi 4:18 - Sura Malelaha

¹⁸ “Inaona Pue Ala mendaulu Iriko, lawi Ikomi au Napakanoto mobambari Ngkora Marasa i tauna au meahi-ahi tuwonda. NatuduNa mopahawe i toratawani kaina rakabahanda, hai mouliangaahe tobilo kaina meitanda. NatuduNa mokabahahe au rapohawi,

Lukasi 4:18 Mawu Ofanana

Matiu 11:5

au bilo meitami, au palu molumaomi, au ketangga maohami, au bongo mehadimi, tauna au mate Kupatuwo hule, hai Ngkora Marasa Kupahawemi i tauna au meahi-ahi tuwonda.

Matiu 12:18

“Idemi hawiNgku au Kupilei, au Kupokakaia, hai au mopamatana laluNgku. Ina Kuwei InaoNgku Iria. Ia ina mopahawe parentaKu au manoto i ope-ope tauna.

Matiu 12:20

Tala au malute bara ina Natepoki, hai hulo au mewao-wao pewangkana bara ina Napapate. Ia ina mobago liliu duuna notona Pue Ala tongawa.

Matiu 4:16

Hangkoia, tauna inditi tuwohe i lalu kamakaindi, hai monontohihe kapate. Agaiana ide-ide, moitamohe pewangka au mahile, lawi mesupami hadua tauna au nodo alo au mowangkahihe.”

Matiu 5:3

“Morasihe tauna au bara rasauru hai meharunga peahe i Pue Ala, lawi ihirami au mewali taunana Pue Ala i lalu poparentaNa.

Lukasi 4:17

hai rahuhuami sura au nauki nabi Yesaya hangkoia. Ia mowile sura iti duuna molambi lolita au manguli node:

Lukasi 6:20

Yesu mototoki topeulaNa hai Nauliangaahe: “Morasikau au meahi-ahi tuwomi, lawi ikamumi au mewali taunana Pue Ala i lalu poparentaNa.

Lukasi 7:22

Mewali, Yesu mohanaihe topeguruna Yohane, Nauli, “Mesulemokau, hai nipetumbuia Yohane apa au niita hai au nihadi: au bilo meitami, au palu molumaomi, au ketangga maohami, au bongo mehadimi, tauna au mate Kupatuwo hule, hai Ngkora Marasa Kupahawemi i tauna au meahi-ahi tuwonda.

Yohane 1:41

Liliu Andaria lao mohaoki Simo, nauliangaa, “Kilambimi au rauli Mesias” (au rauli wori Kerisitu, lempona: Datu Topehompo).

Yohane 12:46

MaiNa i dunia ide mewali pewangka bona ope-ope tauna au mepoinalai Iriko barapohe maida i lalu kamakaindi.

Yohane 3:34

Lawi Iami au natudu Pue Ala mohowara NgkoraNa, hai Pue Ala mowei Inao Malelaha Iria au bara ara hokana.

Suro 10:38

Niisa wori noumba tuntukana Yesu to Nasare au napileimi Pue Ala hai Nawei Inao Malelaha hai kuasa. Iumba pea polumaoaNa, Ia mobabehi apa au maroa lawi naporangai Pue Ala, hai Ia mopakaoha ope-ope tauna au napopeahi-ahi Datu Tokadake.

Suro 26:18

Idemi tunggaiaKu motuduko lao irihira bona tebungkahi matanda, hai mopalehihe kamakaindi lao i kamabaana, hai tekabahahe hangko i kuasana Datu Tokadake hai mepoinalaihe i Pue Ala. Mewali, anti pepoinalainda Iriko, teampungimi dosanda, hai mewalimohe taunana Pue Ala.’ ”

Suro 4:26

Ope-ope datu hai tadulako i dunia mopahintuwuhe pekirinda moewa Pue hai Datu au napilei Pue.’

Suro 4:27

O Pue, tepabukei mpuumi lolitana Daudi iti. Lawi tou-tou mpuu mewalimi i lalu wanua ide, Datu Herode hai Pontiu Pilatu hintuwuhe hihimbela hai to Yahudi hai tauna au barahe to Yahudi. I lalu kahintuwunda iti, mampeinaohe moewa Yesu, AnaMu au Malelaha au Nupileimi mewali Datu Topehompo.

Kolose 1:13

Ia mokabahamoke hangko i kuasa au makaindi, hai Napopewalimoke taunaNa i lalu poparentana AnaNa au Napokaahi.

Yakobu 2:5

Halalungku au kupokaahi! Nipehadingi maroa: tauna au meahi-ahi tuwonda i dunia ide napileihe Pue Ala bona mewalihe pebuku i pepoinalainda. Ina molambi sosoranda i lalu poparentaNa moula dandina Pue Ala i tauna au maahi Iria.

1 Peturu 2:9

Agaiana ikamu, halalu, napileimokau Pue Ala au mampopewalikau nodo tadulako mpenomba au mampopolumao bago mpenomba i Datunta. Napatanikau mewali kiraNa hai taunaNa au malelaha. Pue Ala mopileikau hai mokakiokau hangko i kamakaindi mesua i lalu kamabaaNa au merae ntepuu bona mopahawekau bagoNa au maroa i ope-ope tauna.