Lukasi 4:1 - Sura Malelaha

¹ Karoona Yesu rariu, Ia mopalehimi owai Yarade. I tempo iti, Yesu nakuasai Inao Malelaha hai Naanti lao i pada wungi.

Lukasi 4:1 Mawu Ofanana

Matiu 3:16

Karoona Yesu rariu, mesoremi hangko i lalu owai. Unga pea tebungkahi langi, hai Ia moita Inaona Pue Ala nodo tadasi manggebodo mendaulu Iria.

Lukasi 2:27

Simeo iti naanti Inao Malelaha mesua i Souna Pue Ala i temponda Yusupu hai Maria moanti Yesu rahuhu i Pue Ala moula Aturana Musa.

Lukasi 3:3

Ido hai molumaomi Yohane moure hai moisau owai Yarade mopahawe Ngkorana Pue Ala i tauna bosa, nauli, “Menosomokau hangko i dosami bona dosami naampungi Pue Ala hai maimokau kuriu.”

Lukasi 4:14

Roo indo, mesulemi Yesu lao i tampo Galilea, hai Ia nakuasai Inao Malelaha. Bambari kana Iria tehawukami i humalele tampo Galilea.

Lukasi 4:18

“Inaona Pue Ala mendaulu Iriko, lawi Ikomi au Napakanoto mobambari Ngkora Marasa i tauna au meahi-ahi tuwonda. NatuduNa mopahawe i toratawani kaina rakabahanda, hai mouliangaahe tobilo kaina meitanda. NatuduNa mokabahahe au rapohawi,

Yohane 1:32

Ara wori posabina Yohane, nauli node, “Nguru-nguruna bara mani kuisa kaYesuna Datu Topehompo. Agaiana Pue Ala motuduna moriu tauna hai owai, Nauliangaana node: ‘Ane nuita Inao Malelaha mendaulu hai mengkatoa i hadua tauna, Iami au ina meriu hai Inao Malelaha.’ Mewali, kuita mpuumi Inao Malelaha mendaulu hangko i suruga nodo tadasi manggebodo hai maida i Yesu. Ido hai kuuli, Yesu iami Anana Pue Ala.”

Yohane 3:34

Lawi Iami au natudu Pue Ala mohowara NgkoraNa, hai Pue Ala mowei Inao Malelaha Iria au bara ara hokana.

Suro 1:2

duuna hawe i alo pengkaoreNa lao i suruga. Karoona rapapate hai tuwo hule, Yesu mopatongawa wataNa i suroNa. I lalu iba pulona alona, bosa belana mampetudungia wataNa bona tongawa katuwo huleNami. I tempo iti, ihira ara hihimbela hai Ia, hai Napahaweahe kana i poparentana Pue Ala. Hangko damani mengkaore lao i suruga, Naweihe hawaNa hai kuasaNa Inao Malelaha i suroNa au Napileimi.

Suro 10:38

Niisa wori noumba tuntukana Yesu to Nasare au napileimi Pue Ala hai Nawei Inao Malelaha hai kuasa. Iumba pea polumaoaNa, Ia mobabehi apa au maroa lawi naporangai Pue Ala, hai Ia mopakaoha ope-ope tauna au napopeahi-ahi Datu Tokadake.

Suro 8:39

Pesorenda hangko i owai, unga pea Inaona Pue Ala moanti Pilipu padu hangko inditi. Mewali, to Etiopia iti barapi moita Pilipu, lawi unga pea matanta. To Etiopia iti mopaliliumi polumaona hai matana mpuu laluna.