Lukasi 3:1 - Sura Malelaha

¹ Hampulomi hai lima parena Kaisar Tiberius moparenta i wanua Roma, Pontiu Pilatu mewali gubernur i tampo Yudea, hai Herode Antipas au moparenta i Galilea. Pilipu, halaluna Herode, moparenta i Iturea hai i Trakonitis, hai Lisanias moparenta i Abilene.

Lukasi 3:1 Mawu Ofanana

Matiu 14:1

I tempo iti topoparenta i Galilea, iami Herode Antipas. Nahadi Herode apa au nababehi Yesu,

Matiu 14:3

Idemi tuntukana kamatena Yohane Toperiu. Datu Herode moala Herodias napotambia. Herodias iti iami towawinena halaluna au rahanga Pilipu. Bosa belana Yohane mokambaroa Herode hangko i babehiana iti, nauliangaa, “Barako peisa mampotambia towawine iti! Babehiamu iti moliungi Aturana Musa!” Ido hai Herode motudu surodadona mohaka Yohane, rahilu hai rapopesua i lalu tarunggu.

Matiu 14:6

Hangko inditi, i tempona Herode mopaara susa mokatuinao alo karapoanakana, anana Herodias au towawine motaro i lindonda torare. Matana mpuu Herode mampeita potarona.

Matiu 22:17

Guru, ido hai kiperapi bona Nuuliangaangkai, noumba pelambiaMu: moula atura agamanta, ba hangangaa mobaiarike asele i Kaisar, ba bara?”

Matiu 27:2

Roo indo, Yesu rahilu taieNa hai raanti lao i lindona Gubernur Pilatu.

Markus 6:17

Nodemi tuntukana kapatena Yohane Toperiu. Datu Herode moala Herodias napotambia. Herodias iti iami towawinena halaluna au rahanga Pilipu. Bosa belana Yohane mokambaroa Herode hangko i babehiana iti, nauliangaa, “Barako peisa mampotambia towawinena halalumu! Babehiamu iti moliungi Aturana Musa.” Ido hai Herode motudu surodadona lao mohaka Yohane, rataka hai rapopesua i lalu tarunggu.

Markus 6:21

Hambela tempo ara katepakana Herodias. I tempo iti, Herode mobabehi posusa mokatuinao alo karapoanakana. Ia mokakio bosa tuana, tadulako hai topebuku i tampo Galilea.

Lukasi 13:31

I tempo iti, arahe bahangkia toParisi au mai i Yesu, rauliangaa, “PadumoKo hangko inde, hai laomoKo i boea ntanina, lawi ara tunggaiana Datu Herode mopapateKo.”

Lukasi 2:1

I tempo iti, mohawami Kaisar Agustus bona ope-ope tauna i humalele kadatua Roma rauki hanganda bona raisa kabosanda.

Lukasi 23:24

Nabotusimi Pilatu bona Yesu rahuku mate hai Baraba au rakabaha moula pamperapinda tauna bosa. Roo indo, nahuhumi Yesu i surodadonda to Roma bona rapapate moula peundeanda to Yahudi.

Lukasi 3:19

Ia mokambaroa Herode Antipas, gubernur i tampo Galilea, lawi Herode moala Herodias, towawinena wutuna bona napotambia. Bara iti pea au nakambaroangaa Yohane, lawi ngkaia mani babehiana Herode au kadake.

Lukasi 9:7

I tempo iti, Herode Antipas au moparenta i Galilea. Ia mohadi ope-ope au nababehi Yesu, ido hai wuli laluna. Lawi ara au manguli, “Yesu iami Yohane Toperiu au tuwo hule.”

Suro 23:26

“Gubernur Feliks au rabila. Tabea hangko iriko, Klaudius Lisias.

Suro 24:27

Liumi rompare, Gubernur Feliks napahurumi Perkius Festus. Anti kanapeinaona Feliks mangala lalunda to Yahudi, ido hai Paulu napogiangaa ratarunggu liliu.

Suro 26:30

Kahopoana, meangkamohe Datu Agripa, Gubernur Festus hai Bernike hihimbela hai ranganda, hai padumohe hangko i sou poteruhua.

Suro 4:27

O Pue, tepabukei mpuumi lolitana Daudi iti. Lawi tou-tou mpuu mewalimi i lalu wanua ide, Datu Herode hai Pontiu Pilatu hintuwuhe hihimbela hai to Yahudi hai tauna au barahe to Yahudi. I lalu kahintuwunda iti, mampeinaohe moewa Yesu, AnaMu au Malelaha au Nupileimi mewali Datu Topehompo.