Lukasi 24:6 - Sura Malelaha

⁶ Barapi ara inde. Ia tuwo hulemi! Bara pae nikatuinao apa au Nauliangaakau hangkoia i tempomi mani i tampo Galilea?

Lukasi 24:6 Mawu Ofanana

Matiu 12:40

Nodo nabi Yunu talu alona talu wengina i lalu tai bau au mahile, nodo wori Iko Ana Manusia ina talu alona talu wengina i lalu talumba.

Matiu 16:21

Mepongka hangko inditi, Yesu mopakanoto i topeguruNa apa au hangangaa mewali i wataNa, nauliangaahe, “Hangangaa laoNa i Yerusale. Inditi ina rapopeahi-ahiNa totosae boea, kapala-kapala tadulako mpenomba hai guru-guru agama. Ina rapapateNa, agaiana i kataluna alona, ina tuwo huleNa.”

Matiu 27:63

rauli, “Tua Gubernur, kikatuinao lolitana topodongko iti, lawi i tempona mani tuwo, Nauli, ‘Kaliuna talu alona, ina tuwo huleNa.’

Matiu 28:6

Barapi ara inde, tuwo hulemi nodo au Nauliangaamokau. Mai nipeita karadampaaNa.

Markus 16:6

Nauli anantomoane iti, “Ineekau tingkara! Kuisa kamohaokimi Yesu to Nasare au rapaku i kau mombehape. Ia tuwo hulemi! Barapi ara inde. Nipeita karadampaaNa.

Markus 8:31

Roo indo, napepongkami Yesu mampololita i topeguruNa apa au hangangaa mewali i wataNa, Nauliangaahe, “Iko, Ana Manusia, hangangaa molambi ngkaia kapari. Ina rasapuakaNa totosae boea, kapala-kapala tadulako mpenomba hai guru-guru agama. Ina rapapateNa, agaiana i alo katalu ina tuwo huleNa.”

Lukasi 24:34

Molololitahe, rauli, “Tou mpuu, Pue Yesu tuwo hulemi. Ia mopatongawami wataNa i Simo!”

Lukasi 24:5

Towawine iti, tepalingkuduhe anti kalanganda. Agaiana rodua tobalilo iti mouliangaahe, “Moapari hai nihaoki tauna au tuwo i olonda tomate?

Lukasi 9:22

Nauli mbuli Yesu, “Iko, Ana Manusia, hangangaa molambi ngkaia kapari. Ina rasapuakaNa totosae boea, kapala-kapala tadulako mpenomba hai guru-guru agama. Ina rapapateNa agaiana i kataluna alona ina tuwo huleNa.”

Lukasi 9:44

“Nipehadingi maroa-roa lolitaNgku ide: Iko Ana Manusia, ina rahuhuNa i kuasa manusia au kadake.”

Suro 2:24

Ikamu mopapate Yesu, agaiana Pue Ala mopatuwo hule. Pue Ala mokabaha wataNa hangko i kuasa kapate, lawi Ia hangangaa tuwo hule.

2 Tesalonika 2:5

Nikatuinao halalu, kupaturoamokau ope-ope ide hangkoia i tempoku ara hihimbela hai ikamu.