Lukasi 23:54 - Sura Malelaha

⁵⁴ Alo iti iami Alo Pampasilolonga, lawi kahalona Alo Pengkarooangaa. Moula adanda to Yahudi, mepongka kaindi iti, rapaliami mobago.

Lukasi 23:54 Mawu Ofanana

Matiu 27:62

Kahalona madondo i Alo Pengkarooangaa, kapala-kapala tadulako mpenomba hai toParisi laohe i Pilatu,

Markus 15:42

Kalumbami i alo pampasilolongaa, hai mepongka i katampuna alo rapaliami mobago moula ada to Yahudi lawi mepongkami Alo Pengkarooangaa. Mewali,

Lukasi 23:53

Roo indo, motaurami watana Yesu hangko i kau mombehape, nabungkuhi hai bana au bula, hai nawoli i lalu talumba au rababehi i bulu watu. Talumba iti bara mani hambela rapopatawui.

Yohane 19:14

I tempo iti, ina pualomi, hangalo hangko damani Alo Posusa Pasa. Pilatu mouliangaahe tadulakonda to Yahudi, “Peita datumi!”

Yohane 19:31

Karapakuna Yesu i kau mombehape iti mewali hangalo hangko damani Alo Pengkarooangaanda to Yahudi, hai moula palianda bara peisa ara tomate au tetoe i kau mombehape i Alo Pengkarooangaa. Apa mani lawi ina kana Posusa Pasa. Ido hai tadulakonda to Yahudi merapi i Pilatu bona torapaku itihe ratepo bitinda bona holigahe mate. Hai raperapi wori bona watanda tauna iti rataura.

Yohane 19:42

Lawi talumba iti hungku hai barapi mahae ina mepongkami Alo Pengkarooangaa, ido hai watana Yesu hoholiga rawoli i lalu talumba iti.