Lukasi 23:26 - Sura Malelaha

²⁶ Hangko inditi, surodado to Roma moantimohe Yesu lao i raoa wanua, hai i tanga rara mampohidupaahe hadua to Kirene au hangko hawe i Yerusale, hangana Simo. Simo iti rataha hai rapari-pari motalondo kau mombehape meula i bokona Yesu.

Lukasi 23:26 Mawu Ofanana

Matiu 5:41

Ane hadua surodado mopari-pariko mohalea antiana hakilo kakaraona, nuhaleangaami rokilo kakaraona.

Lukasi 14:27

Nipehadingi, ikamu au mampeinao meula Iriko: hema au bara mau mohalea kau mombehape hai meula Iriko, bara peisa mewali topeulaNgku.

Lukasi 9:23

Hangko inditi, Yesu mouliangaahe ope-ope tauna, “Hema au mampeinao meula Iriko, hangangaa mokabaha peundeana haduduana hai alo-alona mohalea kau popakuana. Ane nodo, hangko peisari meula Iriko.

Suro 13:1

I olonda to Sarani i Antiokia, arahe bahangkia nabi hai guru mopahawe Ngkorana Pue, hanganda: Baranaba, Simeo au rakakio Tomaeta, Lukius hangko i Kirene, Menahem (au rapatuwo sambela hai Datu Herode Antipas i temponda mani kokoi), hai Saulu.

Suro 2:10

hangko i Frigia hai Pampilia, hangko i Masiri hai hangko i tampo Libia au hungku i wanua Kirene. Arake au hangko i wanua Roma. Hantangake to Yahudi, hai ara worihe tauna ntanina au mesua agama Yahudi.

Suro 6:6

Raantimohe tauna au pitu iti lao i surona Pue Yesu, hai suro iti moona taienda i waanda tauna au pitu iti hai mekakaehe bona Pue Ala mowatihe.

Suro 6:9

Agaiana ara worihe au moewa Setepanu. Topeewa itihe iami tauna au menomba i sou penombaa au rahanga Sou Libertini (Libertini lempona: tauna au rakabaha hangko i karapohawinda). Ihira iti, to Yahudi au hangko i wanua Kirene hai Aleksandria. Ara worihe to Yahudi hangko i Kilikia hai Asia, au mai moewa hai mampombehehea Setepanu.