Lukasi 23:22 - Sura Malelaha

²² I kataluna belana, Pilatu mololita irihira, nauli, “Apa dakeNa? Mogalori hampaka salaNa au hintoto rapapatea, bara ara kulambi. Kupapahai pea hai kukabaha.”

Lukasi 23:22 Mawu Ofanana

Lukasi 23:14

pane nauliangaahe, “Tauna ide, nianti mai iriko hai niuli Ia mohuweki lalunda tauna bosa bona moewa poparentata. Alo ide kuparesami i lindomi, agaiana bara kuhumba hampaka babehiaNa au kadake nodo au nisalaia.

Lukasi 23:16

Mewali, ina kuhepe-hepe peami hai pekandangi au modui roo indo, kukabaha.”

Lukasi 23:20

Hambela mani Pilatu Mololita i tauna bosa, lawi napeinao mokabaha Yesu.

Lukasi 23:21

Agaiana monganga-nganga liliuhe masisimbuku, rauli, “Papate! Papate i kau mombehape!”

Lukasi 23:23

Agaiana tauna bosa iti mopasimbukumohe pamperapinda monganga-ngangahe bona Yesu rapaku i kau mombehape. Kahopoana tauna iti menangihe.

Lukasi 23:4

Hangko indo, nauli Pilatu i kapala-kapala tadulako mpenomba hai i tauna bosa, “Tauna ide bara kulambi salana au ina kuhukua.”

1 Peturu 1:19

agaiana hai au meliu kamasulina, iami wahena Kerisitu. Kerisitu iti nodo hambaa ana dimba au bara ara hakina ba kamakurana. Iami au rahuku mate mopahurukau.

1 Peturu 3:18

Lawi ara wori hadua au molambi kapari, iami Kerisitu. Ia hambela pea mokira wataNa rapapate bona mohalea dosa manusia. Ia au bara ara salaNa mopahuruke au masala bona moantike i Pue Ala. Ia rapapate, agaiana rapatuwo hule anti kuasana Inao Malelaha.