Lukasi 23:10 - Sura Malelaha

¹⁰ Ara worihe inditi kapala-kapala tadulako mpenomba hai guru-guru agama au mosalai ntepuuhe Yesu i lindona Herode.

Lukasi 23:10 Mawu Ofanana

Matiu 27:12

Agaiana i karasalaina kapala-kapala tadulako mpenomba hai totosaenda to Yahudi, Yesu bara mehana.

Lukasi 11:53

Kapaduna Yesu hangko inditi, rumpu ntepuumohe guru agama hai toParisi. Mepongka hangko inditi, raoaka mopaara ngkaia pampekune au rapekune Iria,

Lukasi 23:11

Roo indo, Herode hai surodadona mampopowadi-wadi hai mopapakoihe Yesu. Rabadui badu datu, hai raanti hule lao i Pilatu.

Lukasi 23:2

Kahawenda inditi, rapepongkami mosalai Yesu, rauli, “Tauna ide kilambi tangaNa mopakanawo tauna bosa! Nauli barangkai paraluu mobaiari asele i Kaisar i Roma. Hai Nauli wori kaIanami Datu au rahanga Kerisitu.”

Lukasi 23:5

Agaiana rapaliliumi pesalainda Iria, rauli, “Anti pepaturoNa, Ia mohuweki lalunda tauna bosa moewa poparenta i humalele tampo Yahudi, mepongka i Galilea duuna hawe inde.”

Lukasi 23:9

Ido hai Herode mopahawe ngkaia pakana pampekune i Yesu, agaiana bara ara au Nahanai Yesu.

Suro 24:5

Paulu ide iami topegero-gero i ope-ope boea. Iumba-umba pea, ia mohuweki lalunda to Yahudi bona moewahe topoparenta. Hai ia idemi hadua tadulakonda tauna au mampeulai paturona Yesu to Nasare.