Lukasi 20:25 - Sura Malelaha

²⁵ Nauli Yesu, “Ane nodo, wei Kaisar apa au hintoto rawei Kaisar, hai wei Pue Ala apa au hintoto rawei Pue Ala.”

Lukasi 20:25 Mawu Ofanana

Matiu 17:27

Agaiana nauri nodo, agintami mobaiari bona dati koi inaonda irikita. Mewali, laomoko mopeka i rano. Nualami ikane au nguru-nguruna nupeka. Ina nuhumba doi i lalu ngangana sukana handa tapopobaiari aselenta rodua. Ala doi iti, hai nupopobaiari asele Souna Pue Ala.”

Matiu 22:21

Rahanai, “Lenggena hai hangana Kaisar.” Nauli Yesu, “Ane nodo, niwei Kaisar apa au hintoto rawei Kaisar, hai niwei Pue Ala apa au hintoto rawei Pue Ala.”

Markus 12:17

Nauli Yesu, “Ane nodo, wei Kaisar apa au hintoto rawei Kaisar, hai wei wori Pue Ala apa au hintoto rawei Pue Ala.” Tingkara mpuuhe mohadi pehanaNa.

Lukasi 20:24

“NipopaitaaNa hampai mai doi hampeka! Lenggena hema hai hangana hema au ara i doi ide?” Rahanai, rauli, “Lenggena hai hangana Kaisar.”

Suro 5:29

Mehanahe Peturu hai surona Pue Yesu au ntanina, rauli, “Bara hawana manusia au kipeulai, agaiana batena pea hawana Pue Ala au kipeulai.

1 Korintu 10:31

Agaiana kuuli: ane maandeke ba maenuke, ba apa pea au tababehi, hangangaa tababehi bona Pue Ala rapomahile.

1 Peturu 4:11

Hema au motuntu, hangangaa mopahawe apa au nadokomi hangko i Pue Ala. Hema au motulungi rangana, hangangaa metulungi hangko i karoho au nalambi hangko i Pue Ala. Hangangaa nibabehi nodo bona i hinangkana au mewali, Pue Ala rapomahile i lalu hangana Yesu Kerisitu, lawi Pue Ala au makuasa hai hintoto rapomahile hawe i hae-haena! Amin.