Lukasi 2:35 - Sura Malelaha

³⁵ alana apa au ara i lalunda tauna iti ina tewungkehi. Oio Maria, ina narumpako kapari. Ina rumihi kawiorana lalumu, nodoko nabelai piho.”

Lukasi 2:35 Mawu Ofanana

Lukasi 2:34

Roo indo, Simeo mowatihe hai mouliangaa Maria, “Anti kahawenami Anamu ide, bosa to Isaraeli ina molambi pehuku, agaiana bosa wori tauna ina Nahorema bona molambihe katuwo maroa. Iami au Napilei hai au Natudu mai Pue Ala, agaiana Ia ina rasapuaka tauna bosa,

Lukasi 2:36

Kahawenda Yusupu hai Maria i Souna Pue Ala, ara wori inditi hadua nabi towawine. Hangana Hana, anana Fanuel, pemuleana Aser. Hana iti, ualumi pulona hai iba parena tinuwuna. Hangkoia motambi, agaiana pitu pea parena hangko indo, matemi tobalilona. Mepongka i tempo iti, ia bemba hai maida liliu i Souna Pue Ala. Alo-alona hai wengi-wengina Hana menomba i Pue Ala, mekakae hai mopuasa.

Yohane 19:25

Hungku i popakuana Yesu, meangkami inana hai hadua halaluna inana au towawine. Ara wori Maria towawinena Klopas, hai Maria Magdalena.

1 Korintu 11:19

Barato moapa posisisala peamodekau, bona tongawari pae ba hema au maroho peulana i Pue!

1 Yohane 2:19

Tauna au mampoiwalihe Kerisitu iti arahe i olonta hangkoia, agaiana katouana barahe ranganta. Ido hai padumohe mopatani hangko irikita. Ane rapana tou-tou rangantahe, kemia-miahe taporanga. Agaiana megaakimohe hangko irikita, ido hai manoto kadanda mpuu huba hadua au himbela hai ikita.