Lukasi 19:47 - Sura Malelaha

⁴⁷ Alo-alona Yesu mepaguru i Souna Pue Ala. Kapala-kapala tadulako mpenomba hai guru-guru agama hai totosaenda to Yahudi mampeinaohe mopapate Yesu,

Lukasi 19:47 Mawu Ofanana

Matiu 21:23

Roo indo, Yesu mesua i lalu Souna Pue Ala hai mepaturo. Tangana mepaguru, hawemohe kapala-kapala tadulako mpenomba hai totosaenda to Yahudi mekune Iria, rauli, “Nuuliangaangkai, hangko iumba kuasaMu mobabehi ope-ope iti i Souna Pue Ala? Hema au moweiKo kuasa iti?”

Matiu 26:55

I tempo iti, nauli mbuli Yesu i tauna bosa, “Tauna kadakeriNa pae dide, pane moantikau piho hai pewombe mai mohakaNa? Alo-alona mohudaNa mepaturo i Souna Pue Ala. Moapari hai baraNa nihaka i tempo iti?

Markus 11:18

Karahadina kapala-kapala tadulako mpenomba hai guru agama apa au nababehi Yesu iti, mohaokimohe rara mopapate Yesu anti kalanganda Iria, lawi raisa ope-ope tauna matanahe mampehadingi paturoNa.

Markus 12:12

Karahadina tadulakonda to Yahudi lolitana Yesu, rapeinaomi rahaka, lawi raisa kaihirana au Natunggai hai ngkora pandiri iti. Agaiana barahe bai, lawi mampokalangahe tauna bosa. Mewali, padu pearaihe.

Markus 14:1

Rongalo rai ina hawe Alo Posusa Pasa hai Posusa Roti Au Bara Raragii. I tempo iti, kapala-kapala tadulako mpenomba hai guru agama mohaoki rara mohaka ngkandii Yesu bona rahuhu rapapate.

Markus 14:49

Alo-alona araNa hihimbela hai ikamu i Souna Pue Ala mepaturo. Moapa hai baraNa nihaka i tempo iti? Agaiana ope-ope ide hangangaa mewali bona tepabukei apa au teuki i lalu Sura Malelaha.”

Lukasi 19:48

agaiana bara ara raranda mobabehi tunggaiana lalunda, lawi tauna bosa tedii lalunda mampehadingi lolitaNa.

Lukasi 20:19

Guru-guru agama hai kapala-kapala tadulako mpenomba moisa kaihirana au natunggai Yesu i lalu ngkora pandiriNa inona. Ido hai arami tunggaianda mohaka Yesu i tempo iti. Agaiana barahe bai, lawi mampokalangahe tauna bosa.

Yohane 10:39

Karahadina to Yahudi lolitana Yesu, rapetandaka mbulimi mohaka Yesu, agaiana bara mani mala.

Yohane 18:20

Nauli Yesu, “MololitaNa i katou-touana i ope-ope tauna. Mepaturo liliuNa iumba pea sou penombaa hai i Souna Pue Ala, au paka rapoteruhui to Yahudi. BaraNa hambela mepaguru ngkabuni.

Yohane 7:19

Nabi Musa hangkoia moweikau Aturana Pue Ala. Agaiana barakau ara hadua au mampeulai Atura iti. Moapa hai nipeinaoNa nipapate?”

Yohane 7:44

Arahe au mampeinao mohaka, agaiana bara ara au bai mokingki.