Lukasi 19:17 - Sura Malelaha

¹⁷ Nauli datu iti: ‘Maroa mpuu kanupopolumaona bago au kuweiko. Oio hawi au maroa. Mewali, anti kamanotomu i bago au koi, ina kupoinalaiko motadulakoi hampulo boea.’

Lukasi 19:17 Mawu Ofanana

Matiu 25:21

Nauli ampunda, ‘Maroa mpuu kanupopolumaona bago au kuweiko. Mewali, anti kamanotomu i bago au koi, kupoinalaiako bago au mahile. Maimoko hihimbela hai iko i lalu katana-tana.’

Lukasi 16:10

Ane hadua tauna peisa rapoinalai i anu-anu au haodi, ia peisa wori rapoinalai i anu-anu au ngkaia. Agaiana ane bara manoto pokadipurana anu-anu au haodi, apa mani pokadipurana anu-anu au ngkaia!

Lukasi 19:16

Au nguru-nguruna mai iria, nauli, ‘Datu, hangkoia nuhuhuana hampeka doi bulawa. Idemi anana, hampulo wori pekana doi bulawa.’

Lukasi 19:18

Hawi au karoduana mai wori iria, nauli: ‘Datu, hangkoia nuhuhuana hampeka doi bulawa. Idemi anana, lima wori pekana doi bulawa.’

Lukasi 22:30

bona maande hai maenu sambelake i hambua meja i lalu poparentaKu. Hai ina mohuda worikau i pohudaa au hampulo hai rombua moparentai to Isaraeli au hampulo hai rontina.”

Roma 2:29

To Yahudi au nadokohe Pue Ala, iami tauna au moulahe Aturana Pue Ala hangko i lalunda hai tou-tou mpuuhe ratile i lalunda. Lempona, nadokohe Pue Ala anti pobagona Inao Malelaha i lalunda, bara anti peulanda i atura-atura au teuki. Tauna itimi au ina natoia Pue Ala. Kehapirihe bara ratoia tauna, agaiana batena napomahilehe Pue Ala.

1 Korintu 4:5

Ido hai kuuli, ineekau mosalai pobagonda hangka rangami. Nipegiami kahawena hule Pue. Iami au ina mobungkahi ope-ope au tewuniangi mani i lalu kamakaindi. Ia au ina mopatongawa ope-ope tunggaianda tauna au tewuniangi mani. I tempo itimi, hadua-hadua tauna ina molambi petoia hangko i Pue Ala moula kahintotoana.

2 Timotiu 2:10

Ido hai kubuku mohalea ope-ope kapari ide bona tauna au napileimohe Pue Ala ina mampehadingi hai mampoinalai Ngkora Marasa iti duunda molambi katehorema hai katuwo meawa au bara mokahopoa anti pohintuwunda hai Kerisitu Yesu.

1 Peturu 1:7

Narumpakau kapari bona ane mantahakau ina tongawa mpuu kamarohona pepoinalaimi. Ane bulawa rawoli i api, tongawa bulawa ba bara. Agaiana melumbu kamasulina pepoinalaimi pane bulawa, lawi bulawa bara mantaha hawe i hae-haena. Bulawa hangangaa raparesa i lalu api. Nodo wori pepoinalaimi hangangaa rapetandaka i tempomi narumpa kapari. Mewali ane maroho mpuu pepoinalaimi, ikamu ina ratoia, rabila hai rapomahile i kahaweNa hule Yesu Kerisitu i dunia.

1 Peturu 5:4

bona ane hawe Toporewunta au meawa tuwoNa, ina Naweikau hambua songko datu au mengkila-ngkila liliu hawe i hae-haena.