Lukasi 19:12 - Sura Malelaha

¹² Nauli, “Ara hadua tuana au motunggai lao i tampo au karao bona ralanti mewali datu, hai roo indo, ina mesule.

Lukasi 19:12 Mawu Ofanana

Matiu 21:38

Agaiana, i karaitana topokadipura bonde anana ampu bonde iti, mogombomohe, rauli: ‘Oloumi mai anana, ia au ina mewali ampu bonde ide. Agina tapapate, hai taala bondena hai ope-ope ihina.’

Matiu 28:18

Yesu mohungkuki topeguruNa, Nauliangaahe, “Ope-ope kuasa i suruga hai i dunia rahuhuamoNa.

Markus 12:1

Roo indo, Yesu mopahawe hampaka ngkora pandiri i tadulakonda to Yahudi, Nauli, “Ara hadua tauna au motuda anggoro i bondena. Tauna iti mokadipura bondena hai nawala mantoleli. Mokaemi kalolu mobabehi popiengaa anggoro, hai naaro worimi bambaru pokampaia. Karoona ope-ope iti napobago, bonde iti naweihe topobagona bona rakadipura hai rakiraia wori wuana. Roo indo laomi modaga.

Markus 16:19

Karoona Yesu mampololitaa topeguruNa, Ia teangkami lao i suruga, hai mohuda ntanda i koanana Pue Ala.

Lukasi 20:9

Roo indo, Yesu mopahawe hampaka ngkora pandiri i tauna bosa, Nauli, “Ara hadua tauna au motudai bondena hai anggoro. Ampu bonde iti mosaro bahangkia tauna mokadipura bondena i tempona padu lao i boea ntanina, lawi tunggaiana mahae haodi maida inditi.

Lukasi 24:51

TangaNa mewati, teangkami Yesu lao i suruga.

Yohane 18:37

Nauli mbuli Pilatu, “Ane nodo, tou mpuu pae datuKo?” Nauli Yesu, “Nodo au nuuli Iko ide datuNa. Ido hai rapoanakaNa i dunia ide bona mopahaweNa apa au tou. Tauna au naunde moula apa au tou, mampehadingihe lolitaNgku.”

Suro 17:31

Lawi i hambela tempo au Napakanotomi, Pue Ala ina mobotusi kara-karanda tauna i humalele dunia i kanoto-notoaNa. PobotusiNa iti ina napobago hadua tauna au napilei Pue Ala. Hai tauna iti Napatuwo hule hangko i kapate bona tongawa i ope-ope tauna kaIana au Napilei.”

1 Korintu 15:25

Lawi Kerisitu hangangaa mewali datu au moparenta, duuna Pue Ala mampopengkoru ope-ope au meewa Iria,

Ibarani 9:28

Nodo wori, Kerisitu hambela pea mohuhu wataNa i Pue Ala mohalea dosa tauna bosa. Hai hambela tempo, Ia ina mai i karombelana i dunia ide. Kamaina iti, barapi mai mohalea dosanta. Agaiana mairi moanti katehorema i tauna au mampepegia kahaweNa.

1 Peturu 3:22

Hai i karapatuwoNa hule, Yesu mengkaoremi lao i suruga, mohuda ntanda i koanana Pue Ala. Ope-ope malaeka hai au makuasa hai au moparenta, rapopengkoru hahahe Iria.

Pampetudungia 1:7

Peita! Ora mai i lalu gawu! Ia ina raita ope-ope tauna, tepesua tauna au motambuku lompeNa hangkoia. Hai ope-ope tauna i dunia ina moteriahe. Nodo mpuumi pewalina! Amin!