Lukasi 18:23 - Sura Malelaha

²³ Kamohadina lolitana Yesu, masusami laluna, lawi ngkaia anu-anuna.

Lukasi 18:23 Mawu Ofanana

Matiu 19:22

Kamohadina lolitana Yesu, masusa laluna hai padumi, lawi ngkaia anu-anuna.

Markus 10:22

I pohadina lolitana Yesu, masusami laluna hai padumi, lawi ngkaia anu-anuna.

Lukasi 12:15

Roo indo, mololitami Yesu i tauna bosa, Nauli, “Mainga-ingakau hai maroa-roakau, ineekau mampeinao morampu anu-anu dunia. Lawi kehapiri ngkaia anu-anumi, barari iti au mopaara katuwo maroa.”

Lukasi 18:22

Kanahadina Yesu lolitana, Naulimi, “Ara mani hampaka au hangangaa nubabehi. Laomoko hampai mampobalu hinangka anu-anumu, hai holona nuweihe tauna au meahi-ahi tuwonda. Ane nubabehi nodo, ina mahile hurungina au nuhumba i lalu suruga. Roo indo, maimoko, meulamoko Iriko.”

Lukasi 18:24

Naisa Yesu kamasusana laluna, ido hai Nauli, “Mapari mpuu tauna au pebuku mewali taunana Pue Ala i lalu poparentaNa.

Lukasi 19:8

Tangana Yesu i lalu sou, meangkami Sakeu hai mololita nauli, “Pue, hantanga hangko i ope-ope anu-anungku ina kuweihe tauna au meahi-ahi tuwonda. Hai hema pea au kubagiu, ina kupopesuleahe iba belana hangko i apa au kubagiungaahe.”

Lukasi 21:34

“Mainga-ingakau, datikau mosusa-susa hai malangu-langu liliu. Mainga-ingakau datikau mampepekiri liliu katuwomi i dunia ide, alana mampomaleakau. Lawi alo kahaweNgku hule unga pea ina morumpa ope-ope tauna i dunia. KahaweNgku hule iti peisa rapandiri nodo tilobu au mopakanawo tauna au mampomalea.

Lukasi 8:14

Tinuda au manawo i lalu dui, lempona mohaditohe Ngkorana Pue Ala, agaiana mopailalu liliu peahe katuwonda i lalu dunia ide, hai mampeinao peahe morampu peawa dunia. Lalunda nabukehi paka-pakana dake. Ope-ope iti mopaara pea kadana tinda lalunda, alana barapohe mepoinalai hai bara mobundu Ngkorana Pue Ala i lalu katuwonda.

Epesu 5:5

Nipehadingi maroa: hema-hema au mobabehi babehia kedai, merikai ba au mehioro, nodohe tauna au menomba i anitu. Tauna iti barahe hintoto molambi kiranda i lalu poparentana Kerisitu hai Pue Ala.

Pilipi 3:8

Hai bara pea ido, ide-ide kuisami: hinangkana iti bara ara bunduna iriko, lawi ara au melumbu kamaroana, iami pohintuwuku hai Kerisitu Yesu Ampuku. Ido hai kukabahami ope-ope au ntanina, kuimba pea pupu bona meulana i Kerisitu,

Kolose 3:5

Mewali, anti kamatenta hihimbela hai Kerisitu, hangangaa takabaha babehianta hai katuwonta au hangkoia. Ineekau motambi-tambi dele, ineekau mobabehi babehia au merikai. Ineekau mohaoki au kadake, ineekau mampokaelu anu-anuna rangami. Lawi hema au mobabehi iti, himbela hai tauna au menomba i anitu.

1 Yohane 2:15

Ineekau mampomahile apa au ara i dunia. Hema au mampomahile anu-anu dunia ide, barahe mampokaahi Pue Ala Umanta.